1 REYES 6:21 - Dios Rimashcata Quillcashcami

²¹ Shinami Salomonca Diospac huasi ucutaca ashtahuan alli curihuan taparca. Diospaclla ucutapish curihuan tapashpami, chai ucuman yaicuna pungutapish curi cadenacunahuan jarcarca.

1 REYES 6:21 Referans Kwoze

1 REYES 6:5

Shinallatac chai huasi jatun pircapi quimichishpami uchilla ucucunatapish ruhuarca. Diospaclla chicanyachishca ucu pata muyundipipish chashnallatac ucucunatami ruhuarca.

ÉXODO 36:34

Tablacunataca curihuanmi jahuata cahuirca. Quingrai caspicunata churana argollacunataca curimantami ruhuarca. Quingrai caspicunatapish curihuanmi cahuirca.

ÉXODO 26:29

Tablacunatapish, quingraiman caspicunata churana argollacunatapish curihuan jahuata cahuishpa ruhuangui.

1 REYES 6:20

Diospaclla chicanyachishca ucuca largomanpish, anchomanpish altomanpish iscun metrotami charirca. Chai ucutaca imahuan mana chapushpami curillahuan taparca. Cedro caspihuan ruhuashca Diospac altartapish curillahuantacmi taparca.

1 REYES 6:22

Diospac huasi ucutaca tucuimi jahuamanta pacha ucu pambacaman curihuan taparca. Diospaclla chicanyachishca ucu chimbapurapi tiyac altartapish tucuimi curihuan taparca.