1 REYES 5:6 - Dios Rimashcata Quillcashcami

⁶ Chashna cashcamanta cunanca, Líbano urcupi cedro yuracunata ñucaman pitichun canta serviccunata cachai. Ñucata serviccunatapish paicunata ayudachun cachashami. Canta serviccuna mashna cullquita cui nicpipish cushallami. Ñucanchicpuramantaca maijanpish Sidón llactapi causaccuna shina, caspicunata labranataca mana yachanchu. Chaitaca canllatac allimi yachangui» nichunmi cacharca.

1 REYES 5:6 Referans Kwoze

2 CRÓNICAS 2:8

Shinallatac Líbano urcumanta cedro caspicunata, ciprés caspicunata, sándalo caspicunata cachai. Canta serviccunaca Líbano urcupi caspicunata pitinata alli yachaccunami can. Riqui, canta serviccunata ayudachunca, ñucata serviccunatami cachagrini.

FILIPENSES 4:8

Cuyashca criccuna, tucuri shimicunata rimashpaca: “Tucui imapipish mana llullac canata, shuccuna munashca canata, tucui imatapish allita ruhuac canata, tucui imapipish mapa illac canata, pimanpish cuyaita ricuchic canata, shinallatac sumac, tucuipac alli nishca cana yuyaicuna tiyacpica, chaillata yuyashpa catichic” ninimi.

EFESIOS 4:7

Shina cashpapish ñucanchicca Diosmanta ruhuac canata Cristo cusha nishpa cushcamantami chasquishcanchic.

ROMANOS 12:17

Maijan cancunata mana allita ruhuacpica, ama cancunapish chai shinallatac ruhuaichicchu. Chaipac randica, tucuipac ñaupapi alli caichic.

SALMOS 29:5

Mandac Dios rimashcaca cedro yuracunatapish paquicmi. Líbano urcupi tiyac cedro yuracunatapish polvonmi.

ESDRAS 3:7

Huasita ruhuaccunamanpish, carpinterocunamanpish cullquita curcacunami. Shinallatac Sidón, Tiro pueblocunapi causaccunamanpish Persia llactata jatun mandac Ciro munashca shinallatacmi Líbano urcumanta cedro caspicunata mama cuchata huambuchishpa, Jope puebloman apamuchun micunata, ubianata, aceiteta curcacuna.

2 CRÓNICAS 2:10

Riqui, caspita pitishpa canta serviccunamanca ishcai chunga huaranga coro trigota, ishcai chunga huaranga coro cebadata, ishcai chunga huaranga litro vinota shinallatac ishcai chunga huaranga litro aceitetami cugrini» nichun cacharca.

1 REYES 6:20

Diospaclla chicanyachishca ucuca largomanpish, anchomanpish altomanpish iscun metrotami charirca. Chai ucutaca imahuan mana chapushpami curillahuan taparca. Cedro caspihuan ruhuashca Diospac altartapish curillahuantacmi taparca.

1 REYES 6:16

Shinallatac chai huasi ucupica ucu pambamanta pacha jahuacamanmi iscun metrota charic ucuta cedro tablahuan ruhuarca. Chai ucutaca Diospaclla chicanyachishca cachunmi ruhuarca.

GÉNESIS 10:15

Canaanca ishcai churitami charirca. Punta churica Sidón, quipa churica Hetmi carca.

1 REYES 5:7

Hiramca Salomón chashna nishcata uyashpami, yallita cushicushpa: «¡Cunanca, Mandac Diosca alli nishca cachun! ¡Paimi cai tucui jatun llactata mandachunca yuyaita charic churita Davidman cushca!» nirca.

1 REYES 9:27

Hiramca chai barcocunapimi mama cuchapi barcota purichinata alli yachac, paipac runacunata Salomonta serviccunahuan cacharca.

1 CRÓNICAS 22:4

Sidón Tiro llactapi causaccunami cedro caspicunataca achcata Davidman apamushca carca.

ZACARÍAS 11:12

Chaimantami ñucaca paicunataca: «Cancuna munashpaca, ñuca trabajashcamanta pagaichic, mana cashpaca saquichiclla» nircani. Shina nicpimi, paicunaca quimsa chunga cullquita pezashpa pagarca.

DEUTERONOMIO 17:16

Chai jatun mandacca mana achca caballota charina yuyaita charinachu can. Caballocunata charingaraicu israelcunata Egipto llactaman mana cachanachu can. Mandac Diosca: “Chai llucshishca ñantaca jaicapi mana cutinachu canguichic” nircami.

1 REYES 9:19

Shinallatac imalla tiyashcacunata huacaichingapac pueblocunatapish allichircami. Macanacuna carretacunata huacaichina pueblocunatapish, caballocunata charina pueblocunatapish shayachircami. Jerusalenpi, Líbano llactapi, pai mandacuc tucui llactacunapi ima ruhuana cashcataca tucuimi ruhuarca.

1 REYES 10:26

Salomonca macanacuna carretacunata, caballopi ric soldadocunatami tandachirca. Paica huaranga chuscu patsac carretacunata, caballocunapi ric chunga ishcai huaranga soldadocunatami charirca. Paicunatami maijancunataca macanacuna carretacunata huacaichina pueblocunapi, shuccunataca pai jatun mandacta cuidachunmi Jerusalenpi churarca.

2 CRÓNICAS 1:14

Salomonca macanacuna carretacunata, caballocunapi ric soldadocunatami tandachirca. Paica huaranga chuscu patsac carretacunata, caballocunapi ric chunga ishcai huaranga soldadotami charirca. Paicunatami maijancunataca carretacunata huacaichina pueblocunapi, shuccunataca pai jatun mandacta cuidachun Jerusalenpi churarca.