1 REYES 5:1 - Dios Rimashcata Quillcashcami

¹ Tiro pueblota jatun mandac Hiramca Davidhuanca tucui causaipimi, apanacuc carca. Chaimantami Salomonta paipac taita Davidpac randi jatun mandac cachun aceitehuan cahuishcata yachashpaca, paita serviccunata cacharca.

1 REYES 5:1 Referans Kwoze

1 CRÓNICAS 14:1

Tiro pueblota jatun mandac Hirammi David paipac huasita shayachichun huillaccunata, huasita ruhuaccunata, carpinterocunata, cedro caspicunata cushpa cacharca.

2 CRÓNICAS 2:3

Chai quipami Salomonca Tiro llactata jatun mandac Hiramman quillcashpaca: «Ñuca taita Davidhuan ruhuashca shinallatac ñucamanpish ruhuaiyari. Shuc huasita paiman ruhuachunca, cedro caspicunatami cacharcangui.

2 SAMUEL 5:11

Tiro pueblota jatun mandac Hirampish, rimaccunata cedro caspicunahuan, shinallatac carpinterocunatapish, rumita labraccunatapish Davidpacman cacharcami. Paicunami Davidpac huasitaca ruhuarca.

1 REYES 5:10

Chashnami Hiramca cedro caspicunata, ciprés caspicunata Salomón mashna mañashcata curca.

AMÓS 1:9

Mandac Diosca: «Tiropi causaccunataca paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca huauquicunahuan ari nishcata mana yuyarishpami, shuc llactapi causaccunata prezushpa, Edom llactapi causaccunaman curca.

SALMOS 45:12

Tiro pueblopi causaccunami convidanacunahuan cambacman shamun. Chayuccunapish cambac ñaupapi alli ricuringapacmi convidanacunahuan shamun.

1 REYES 5:13

Jatun mandac Salomonca tucui Israel llactapi imapish sinchi ruhuaicunata ruhuachunca quimsa chunga huaranga runacunatami tandanacuchun mandarca.

2 SAMUEL 8:10

paipac churi Joramta David Hadad-ezerhuan macanacushpa atishcamanta saludashpa alli nichun cacharca. Chaica, Toipish Hadad-ezerhuan macanacushpalla causacushcamantami Davidta saludachun cacharca. Horamca curimanta, cullquimanta, broncemanta ruhuashca ima charinacunata apashpami rirca.

ISAÍAS 23:1

Tiro llacta llaqui tucunamanta huillashpaca: Chai llactaca shuc huasillapish mana saquirishpami, barcocuna shayachinapish tucurishca nishpami Quitimmanta shamuccuna huillarca. Tarsis llacta jatun barcocunata purichiccuna huacaichicyari.

GÉNESIS 15:18

Chai punzhapi Mandac Diosca Abramhuanca pactachingapac ari nishpaca: —Cambac huahua huahuacunamanca allpataca cai Egipto jatun yacumanta Eufrates jatun yacucamanmi cusha.

ÉXODO 34:24

Cambac ñaupamantaca tucuitami shuctac llacta gentecunataca llucchishpa cachasha. Chashnami cancunapac causana llactaca ashtahuan mirachisha. Chashna huatapi quimsa cutin ñuca ñaupapi ricuringapac shamucpica, pi mana cambac allpata quichushpa, japisha ningachu.

NÚMEROS 24:7

Jicharicuc yacu shinami cangui. Paicunapac miraicunapish achca yacutami charinga. Paicunapac mandacca Agagtapish yallimi canga. Paicuna mandana llactapish jatunyachishcami canga.

DEUTERONOMIO 20:11

Chai llactapi causaccuna cushi causaimanta parlashun nishpa llacta punguta pascacpica, chaipi tucui causaccunami cancunaman impuestota pagashpa, servishpa causanga.

1 SAMUEL 10:27

Ashtahuanpish mana alli shunguyuc runacunaca: «¿Ima shinatac ñucanchictaca llaquimanta llucchinga?» nishpami, yangapi churashpa imata cungapacpish mana apamurca. Ashtahuanpish Saulca mana uyac tucushpa rircallami.

1 REYES 10:25

Tucui paiman cungapacca curimanta, cullquimanta ruhuashca alaja charinacunata, churarinacunata, macanacunata, mishquilla ashnacuc jambicunata, caballocunatami huatanta apamuccuna carca.

2 CRÓNICAS 9:26

Salomonca Eufrates jatun yacumantaca filisteocunapac llactacaman, shinallatac Egipto llacta tupanacuicamanmi jatun mandaccunataca mandashpa charirca.

2 CRÓNICAS 17:11

Maijan filisteocunaca tucui caranacunata, impuestota, cullquitami Josafatman apamurca. Arabecunapish canchis huaranga canchis patsac maltón ovejacunata, canchis huaranga canchis patsac cari chivocunatami apamurca.

ESDRAS 4:20

Jerusalenpi sinchi jatun mandac tiyashcata, chai mandac jatun yacu chimba ladopi tiyac tucui llactacunata manchachic cashcata tarishca. Chai llactapi causaccunaca tributotapish, impuestotapish, imamanta cuna cashcatapish cushpa causashcatami tarishca.

SALMOS 72:8

Paica shuc lado mama cuchamantaca caishuc ladocaman, jatun yacumantaca cai pacha tucuricamanmi mandanga.

SALMOS 80:12

¿Ima nishpatac chai uvas chagra muyundi pircataca tuñinguiyari? ¡Tucui ñanta pasaccunami uvasta pallashpa rincuna!

EZEQUIEL 19:11

Chai ramaca jatun mandaccunapac varacunapacmi alli carca. Chai yura yalli jatunta huiñashpami, achca ramacunahuan tucushpa, puyucaman chayashpa, ricunalla carca.

SAN LUCAS 7:5

Paica ñucanchic llactata cuyacmi. Paillatacmi ñucanchic tandanacuna huasitapish shayachichirca— nishpa mañarca.