1 REYES 4:33 - Dios Rimashcata Quillcashcami

³³ Shinallatac yuracunamanta yachachishpaca, Líbano llacta cedro yuracunamanta callarishpa, patapi huiñac hisopo uchilla yuracunacamanmi yachachirca. Shinallatac jatun animalcunamantapish, volashpa puric animalcunamantapish, llucashpa puric animalcunamantapish, challuacunamantapish yachachircami.

1 REYES 4:33 Referans Kwoze

SALMOS 92:12

Cashcata ruhuaccunaca palmera yura shinami sisacunga. Líbano urcupi tiyac cedro shinami huiñanga.

SALMOS 51:7

Hisopu sachahuan pichayari, chaipica chuyami casha. Ñucataca jahuaiyari, can jahuapica rasutapish yalli yuranllami casha.

2 REYES 19:23

Cambac huillaccunata cachashpami, Mandac Diosta mana alli nishpa rimashcangui. Canca: ‘Ñucapac achca carretacunahuanmi urcu puntacunaman, Líbano urcu lomacunaman rircani. Jatun cedro yuracunata, ashtahuan alaja ciprés yuracunatami pitisha. Ashtahuan carupimi tiyacusha. Ashtahuan sumac pangasapa yuracuna ucupimi tiyacusha.

HEBREOS 9:19

Moisesmi israelcunaman Dios mandashcataca huillarca. Chaimantami puca millmatapish, hisopo ramatapish, becicunapac, chivocunapac yahuarhuan, yacuhuan chapushpa, jucuchishpa Dios mandashca quillcapi, tucui israelcunapac jahuapi chiraparca.

NÚMEROS 24:6

Jatun yacu tendirishpa ricuc shina, yacu lado huerta shinami ricurin. Mandac Dios tarpushca áloes yura shina, yacu lado cedro yura shinami cangui.

NÚMEROS 19:18

Chai yacupica mapa illac runami hisopota japishpa, chai yacupi jucuchishpa, carpa huasipipish, chaipi tucui tiyaccunapipish chirapanga. Chashnallatacmi huañushcapac tullupi, mana cashpaca huañushcapi, mana cashpaca huañuchishcapi, mana cashpaca enterrashcapi tuparishca runapi chirapanga.

ÉXODO 12:22

Chai yahuarta bateacunapi churashpa, hisopo ramata yahuarpi satishpa, huasi pungu ishcai caspicunapi, pungu umbralpi cahuinguichic. Cancunapuramantaca achicyangacamanmi ucumantaca mana llucshina canguichic.

LEVÍTICO 14:51

Chaimantaca causacuc zhutata, cedro caspita, hisopo ramata, puca pañota, yacu jahuapi huañuchishca zhutapac yahuarpi satishpa, chai huasitaca canchis cutincaman chirapanga.

1 REYES 4:32

Salomonca quimsa huaranga sumac rimaicunata shinallatac pichca huaranga cantocunatami quillcarca.

1 REYES 4:34

Salomonpac jatun yachaita uyangapacca, tucui pueblocunapi causaccunapish, tucui llactacunamanta jatun mandaccunapish paipac jatun yachai maicaman uyarishcamantami shamurcacuna.

CANTARES 4:8

¡Líbano urcumanta ñucahuan urai jaculla! ¡Ñuca novialla, Líbano urcumanta ñucahuan jaculla! Amana urcumanta, Cenir urcumanta, Hermón urcumanta uricuiyari. Leoncuna causana jutcumanta, leopardocuna causanamanta shamuiyari.

CANTARES 5:15

Paipac changacunaca curi basapi mármol pilarcunata shayachishca shinami. Paica Líbano urcu shina jatunmi. Chai urcupi tiyac tucuita yalli cedro yuracuna shina sumacmi.