1 REYES 4:30 - Dios Rimashcata Quillcashcami

³⁰ Salomonca inti llucshic ladopi causaccunata, Egiptopi causac alli yachaccunata ashtahuan alli yachacmi carca.

1 REYES 4:30 Referans Kwoze

HECHOS 7:22

Shinami Moisesca Egipto llactapi ima yachanacunatapish alli yachachishca huiñarca. Chaimantami rimangapacpish, imata ruhuangapacpish alli yachac carca.

GÉNESIS 25:6

Ashtahuanpish caishuc huarmicunapi charishca churicunamanca asha convidanacunallatami curca. Shina cushpami, paipac churi Isaacpac ñaupamanta caruman cacharca. Paicunaca inti llucshina lado caru llactapimi causarca.

DANIEL 1:20

Tucui alli yachacushcata, alli yuyaiyuc cashcata jatun mandac yachashpaca, pai mandacuc llactapi tiyac tucui yachaccunatapish, lucerota ricushpa yachacuccunatapish chunga cutinhuan yalli yachac cashcatami ricurca.

SAN MATEO 2:16

Herodesca yachaccuna umashcamantami, munai piñarishpa, tucui muyundi Belén llactapi causac, manarac ishcai huatata charic cari huahuacunata huañuchichun mandarca. Chashnami yachaccuna lucerota ricushca punzhamanta ñaupaman huacharishca huahuacunata huañuchichirca.

SAN MATEO 2:1

Judea llacta Belén pueblopimi Jesusca huacharirca. Chai punzhacunaca Herodesmi chai llactataca mandacurca. Chaipimi inti llucshina ladomanta, yachaccuna Jerusalén puebloman shamurca. Paicunaca lucerota ricushpa yachacuccunami carca.

JOB 1:3

Paipac haciendapica canchis huaranga ovejacunata, quimsa huaranga camellocunata, pichca patsac yunta huagracunata, pichca patsac burrocunata shinallatac achca serviccunatami charirca. Inti llucshina ladopi causaccunapurapica paimi tucuita yalli chayuc carca.

DANIEL 4:7

Chashna shamucpimi yachaccunaman, lucerota ricushpa yachacuccunaman, adivinocunaman muscushca imata nisha nicushcata huillarcani. Shina huillacpipish, paicunaca chai muscushca imata nisha nicushcataca mana huillai pudircachu.

GÉNESIS 29:1

Jacobo rishpaca, inti llucshina ladopi causaccunapac llactamanmi chayarca.

JUECES 6:33

Chai quipaca tucui madianitacunapish, amalecitacunapish inti llucshina ladopi causaccunapish tandanacushpami Jordán yacuta pasashpa Jezreel pambacunapi carpata shayachishpa tiyarirca.

1 REYES 10:23

Chashnami jatun mandac Salomonca shuctac llacta mandaccunata atishpa chayucpish yalli yachacpish tucurca.

ECLESIASTÉS 1:16

Chaimantami ñuca shungupica: «Jerusalenpi ñaupa causac tucui mandaccunata yalli yachac, shinallatac tucuipac jatunyachishcami cani. Ñucaca achcata yachac alli yuyaiyucmi cani» nircani.

EZEQUIEL 25:4

Chaimantami cancunataca inti llucshina ladopi causaccunapac maquipi churani. Paicunami cancunapac llactapica carpa huasicunata shayachishpa causanga. Cancuna tarpushca granotapish paicunami micunga, lechetapish paicunami ubianga.