1 REYES 4:27 - Dios Rimashcata Quillcashcami

²⁷ Chai chunga ishcai mandaccunami imapish ama illachun nishpa jatun mandac Salomonman mizapi micungapac tucui shamuccunamanpish apamuccuna carca.

1 REYES 4:27 Referans Kwoze

1 REYES 4:26

Salomonca caballocuna shayana huasicunapica macanacuna carretacunata aisac chuscu huaranga caballotami charirca. Caballocunapi ric soldadocunataca chunga ishcai huarangatami charirca.

1 REYES 4:28

Shinallatac pai maipi cacpipish, caballocunamanpish aparishpa puric shuctac animalcunamanpish, cebadata, ucshata apashpa richunmi mandac carca. Shinami paicunaca maiman apana tucucpipish, quillanta apaccuna carca.

1 SAMUEL 8:12

Shuccunataca huaranga soldadocunata mandachun, shuccunataca pichca chunga soldadocunata mandachunmi churanga. Shinallatac shuctaca paipac allpacunapi yapushpa tarpuchun, chai chagracunatapish tandachichunmi churanga. Shuccunataca macanacunata ruhuachunpish, carretacunapi ima minishtishcacunata ruhuachunpish churangami.

1 CRÓNICAS 27:1

Israel huasi ucupurata mandaccuna, huaranga soldadocunata mandaccuna, patsac soldadocunata mandaccunata mandaccunami tiyarca. Chai mandaccunami huatapi cada quilla mashna yaicuc, mashna llucshic soldadocunata ricushpa, jatun mandacta serviccuna carca. Chai cada tandanacushca soldadocunaca ishcai chunga chuscu huarangami carca.