1 REYES 4:26 - Dios Rimashcata Quillcashcami

²⁶ Salomonca caballocuna shayana huasicunapica macanacuna carretacunata aisac chuscu huaranga caballotami charirca. Caballocunapi ric soldadocunataca chunga ishcai huarangatami charirca.

1 REYES 4:26 Referans Kwoze

2 CRÓNICAS 1:14

Salomonca macanacuna carretacunata, caballocunapi ric soldadocunatami tandachirca. Paica huaranga chuscu patsac carretacunata, caballocunapi ric chunga ishcai huaranga soldadotami charirca. Paicunatami maijancunataca carretacunata huacaichina pueblocunapi, shuccunataca pai jatun mandacta cuidachun Jerusalenpi churarca.

2 CRÓNICAS 9:25

Salomonca paipac caballocuna shayanatapish, macanacuna carretacunata churanatapish, chuscu huaranga huasitami charirca. Caballopi ric chunga ishcai huaranga soldadocunatami charirca. Paicunatami maijantaca macanacuna carretacunata huacaichina pueblocunapi, shuccunataca jatun mandacta cuidachun Jerusalenpi churarca.

2 SAMUEL 8:4

Davidca chashna macanacushpa, huaranga canchis patsac caballopi montashca ric soldadocunata japishpa, cutin chaquillahuan ric soldadocunataca ishcai chunga huarangatami japirca. Carretacunata aisac caballocunataca chaquicunatami paquirca. Ashtahuanpish patsac carretacunata aisac caballocunallatami saquirca.

SALMOS 20:7

Shuctac gentecunaca carretacunapi, caishuccunaca caballocunapimi shunguta churancuna. Ashtahuanpish ñucanchicca, ñucanchicta Mandac Diospimi shunguta churanchic.

DEUTERONOMIO 17:16

Chai jatun mandacca mana achca caballota charina yuyaita charinachu can. Caballocunata charingaraicu israelcunata Egipto llactaman mana cachanachu can. Mandac Diosca: “Chai llucshishca ñantaca jaicapi mana cutinachu canguichic” nircami.

1 REYES 4:27

Chai chunga ishcai mandaccunami imapish ama illachun nishpa jatun mandac Salomonman mizapi micungapac tucui shamuccunamanpish apamuccuna carca.

1 REYES 9:19

Shinallatac imalla tiyashcacunata huacaichingapac pueblocunatapish allichircami. Macanacuna carretacunata huacaichina pueblocunatapish, caballocunata charina pueblocunatapish shayachircami. Jerusalenpi, Líbano llactapi, pai mandacuc tucui llactacunapi ima ruhuana cashcataca tucuimi ruhuarca.