1 REYES 21:26 - Dios Rimashcata Quillcashcami

²⁶ Paica amorreocuna shinami ruhuashcalla dioscunata catishpa, millanayaita ruhuashpa causarca. Amorreocunataca chashna millaita ruhuaccuna cacpimi, Mandac Diosca israelcunapac chaupimanta llucchishpa cacharca.

1 REYES 21:26 Referans Kwoze

2 REYES 21:11

«Judá llactata jatun mandac Manasesca cashna millanayai juchacunata ruhuashpami, ñaupa punzhacunapi causac amorreocunatapish ashtahuan yalli mana allita ruhuachirca. Shinallatac paipac ruhuashcalla dioscunahuanmi Judá llactapi causaccunataca juchata ruhuachirca.

GÉNESIS 15:16

Cambac huahua huahuacunaca chuscu cutincaman huahua huahuacuna tucushca quipami, caiman cutimunga. Chaicamanca amorreocunaca manarac yalli millai tucungachu— nirca.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.

1 PEDRO 4:3

Cancunaca tauca huatacunatami Diosta mana ricsiccuna shina, mana allicunallata ruhuashpa, imapish mapa munaicunata ruhuashpa, jatun micuicunata micushpa, machashpa, shinallatac millanayai ruhuashcalla dioscunata adorashpa, mana allita ruhuashpa causarcanguichic.

EZEQUIEL 18:12

huacchacunatapish, imata mana chariccunatapish llaquichic, shuhuac, debimanta prendashcatapish mana cutichic, ruhuashcalla dioscunata adorac,

EZEQUIEL 16:47

Canca paicuna shinami, millaita ruhuarcangui. Chai ruhuashcacuna ashalla cacpimi, ashtahuan millaita ruhuashpa causarcangui.

JEREMÍAS 44:4

Ñuca, ñuca ima nishcata huillac serviccunata cutin cutin huillachun cachashpaca: “¡Cai millana juchacunataca ama ruhuaichicchu, chaitaca mana ricunayanchu!” nishpami huillachircani.

JEREMÍAS 16:18

Paicuna mana allita ruhuashcamantaca ashtahuan yallitami llaquichisha. Paicunapac huañushca dioscunahuanmi ñuca allpataca mapayachirca. Ñuca cushca llactapimi chai millanacunata jundachirca» ninmi.

ISAÍAS 65:4

Enterrashca jutcucuna chaupipimi pacalla pacarin. Cuchi aichatami micuncuna. Mana micuna mapa aicha caldomi paicunapac mangapica tiyacun.

2 CRÓNICAS 36:14

Shinallatac curacunata tucui mandaccunapish, tucui gentecunapish ashtahuanmi mana allita ruhuashpa catircacuna. Shuctac llactapi causaccuna shinallatacmi mana allita ruhuashpa Mandac Diospac huasita mapayachirca. Chai huasitaca Mandac Diosllatacmi paipaclla cachun Jerusalenpi chicanyachishca carca.

2 CRÓNICAS 33:9

Ashtahuanpish Manasesca Judá llactapi, Jerusalenpi causaccunataca israelcunapac ñaupamanta Mandac Dios tucuchishpa cachashca gentecunatapish yalli ashtahuan mana allita ruhuachishpami yallita pandachirca.

2 CRÓNICAS 33:2

Ashtahuanpish Mandac Diospac ñaupapica mana allita ruhuashpami, israelcunapac ñaupamanta Mandac Dios llucchishpa cachashca gentecuna shinallatac juchata ruhuashpa causarca.

2 CRÓNICAS 15:8

Obedpac churi Azarías Dios ima nishcata huillashcata Asa uyashpaca, ashtahuan sinchi tucushpami, millana yanga dioscunata tucui Judá llactamanta, Benjamín llactamanta anchuchirca. Shinallatac Efraín urcucunapi tiyac pai quichushca pueblocunamantapish chingachircami. Shina ruhuashpami Mandac Diospac pungu ñaupapi tiyac Diospac altartapish allichirca.

2 REYES 21:2

Mandac Diospac ñaupapica mana allitami ruhuashpa causarca. Israelcunapac ñaupamanta Mandac Dios llucchishpa cachashca gentecuna ruhuashca shinallatacmi millanayai juchacunata ruhuashpa causarca.

2 REYES 17:12

Paicunaca yanga dioscunatami servircacuna. Mandac Diosca israelcunataca: «Cancunaca mana chashna ruhuanachu canguichic» nishpami sinchita mandarca.

2 REYES 16:3

Ashtahuanpish Israel llactata jatun mandaccuna shinallatacmi, jatun millana juchata ruhuashpa causarca. Israelcunapac ñaupamanta Mandac Dios llucchishpa cachashca gentecuna shinallatacmi Acazca paipac churita rupachirca.

1 REYES 15:12

Paica allitami ruhuacunchic nishpa huaclliric caricunataca tucuitami chai llactamanta anchuchirca. Paipac ñaupa taitacuna ruhuashca yanga dioscunatapish tucuimi chingachirca.

DEUTERONOMIO 12:31

Mandac Dios-huanca ama chashna ruhuanguichicchu. Mandac Diosca paicuna ruhuashcataca mana ricusha ninchu. Paicunapac dioscunamanca millana mana allicunatami ruhuarca. Paicunapac churicunatapish, ushicunatapish paicunapac dioscunaman cushpami rupachirca.

1 REYES 18:18

Shina nicpimi Eliasca: —Israelcunataca mana ñucachu llaquichicuni, ashtahuanpish canmi, cambac taitapac familiacunahuan Mandac Dios mandashcacunata saquishpa, Baal dioscunata catishpa llaquichicungui.

JOSUÉ 23:9

Mandac Diosmi mai jatun sinchi llactacunatapish cancunapac ñaupamanta llucchishpa cacharca. Cunan punzhacamanca cancunahuanca maijan llactapish mana macanacui pudishcachu.