1 REYES 21:11 - Dios Rimashcata Quillcashcami

¹¹ Chaimantami Nabot causacuc pueblopi causaccunapish, cunac yuyaccunapish, mandaccunapish, Jezabel quillcashpa mandashca shinallatac ruhuarcacuna.

1 REYES 21:11 Referans Kwoze

HECHOS 5:29

Shina nicpi, Pedropish, caishuc apostolcunapish rimashpaca: —Runacunata cazunapac randica, Diostami cazuna canchic.

HECHOS 4:19

Shina nicpi, Juanpish, Pedropish rimashpaca: —Cancunallatac alli yuyarichic. Diosmanca, ¿paita cazunata saquishpa, cancunata cazunachu ashtahuan alli canga?

SAN MATEO 2:16

Herodesca yachaccuna umashcamantami, munai piñarishpa, tucui muyundi Belén llactapi causac, manarac ishcai huatata charic cari huahuacunata huañuchichun mandarca. Chashnami yachaccuna lucerota ricushca punzhamanta ñaupaman huacharishca huahuacunata huañuchichirca.

SAN MATEO 2:12

Dios yachaccunaman muscuipi ricurishpa “Herodespacman ama cutichun” nicpimi, shuctac lado ñanta paicunapac llactamanca cutirca.

MIQUEAS 6:16

Jatun mandac Omri mandashcacunallatacmi pactachircangui. Acab aillucuna imata ruhuashpa causashcatami ruhuashpa purircangui. Chaimantami llaquinayaita tucuchisha. Cai llactapi causaccunatapish burlashpa asingacunami. Canmantami ñuca acllashcacunaca pingaichishca canga» ninmi.

OSEAS 5:11

Efraín ailluca shungupi nanarishpa yallita llaquirishcami. Paicunaca yanga dioscunallatami catina yuyarca.

PROVERBIOS 29:26

Achcacunami mandactaca paicunaman allita ruhuachun mañancuna. Ashtahuanpish Mandac Diosmi ima shina cashcata ricushpa cun.

PROVERBIOS 29:12

Shuc mandac llullashcata crishpa chasquicpica, tucui paita serviccunami Diosta mana manchaccuna tucunga.

2 CRÓNICAS 24:21

Ashtahuanpish paitaca pacalla llaquichinatami yuyarinacurca. Paicunaca jatun mandac mandacpimi, Mandac Diospac huasi pungu pambapi Zacariastaca rumicunahuan shitashpa huañuchirca.

1 SAMUEL 23:20

Cunanca jatun mandaclla, can yuyashca shina, utca urai shamuilla. Ñucanchicmi can jatun mandacpac maquipi churashun— nirca.

1 SAMUEL 22:17

Shina nishpami, jatun mandacca paipac muyundi cuidashpa shayacuc soldadocunataca: —¡Mandac Diospac curacunata huañuchichic! Paicunaca Davidta ayudashpami, pai miticushpa ricta yachashpapish mana huillashcacuna— nirca. Shina nicpipish, jatun mandacta serviccunaca Mandac Diospac curacunata mana huañuchisha nircacunachu.

LEVÍTICO 19:15

Cashcata ruhuashpa allichingui. Huaccha cashcallamantapish ama paiman tucunguichu. Chayuc cashcamantapish ama paiman tucunguichu, ashtahuanpish cashcata ruhuashpa allichingui.

ÉXODO 1:21

Chai comadronacunaca Diosta manchacmi carca. Chaimantami paicunamanpish Diosca aillucunata curca.

ÉXODO 1:17

Shina mandacpipish, comadronacunaca Diosta manchashcamantami Egipto llactata jatun mandac nishcata mana ruhuashpa, cari huahuacunataca mana huañuchishpa saquircalla.

1 REYES 21:10

Chai quipaca: “Diostapish, jatun mandactapish, mana alli nishpami rimarcangui” nishpa, juchanchishpa huillachun ishcai millai runacunata, paipac ñaupapi tiyachichic. Paicuna cashna huillacpica, pueblomanta llucchishpa rumicunahuan shitashpa huañuchinguichic» nirca.

1 REYES 21:12

Mana micushpa cainana punzhata ruhuashpami Nobottapish gentecunapac ñaupapi tiyachircacuna.

ISAÍAS 59:14

Chashnami allita ruhuanaca huashapi saquirirca. Cutin cashcata ruhuanaca ñucanchicmanta caruyarcami. Cashcata ninaca plazapimi mitcarishpa urmac shina tucurirca. Chaimantami allita ruhuanaca mana yaicui pudirca.