1 REYES 20:7 - Dios Rimashcata Quillcashcami

⁷ Shina nicpimi, Israel llactata jatun mandac chai llactata mandac yuyaccunata cayashpaca: —Riqui, cai runaca ñucata llaquichinatami mashcacun. Chaitaca cancunallatac alli ricuichic. Ñuca huarmicunata, huahuacunata, ñuca charishca cullquita, curita cuchun nishpa ñucapacman cachacpica, mana jarcarishpami, chaitaca cushallami nircani— nirca.

1 REYES 20:7 Referans Kwoze

2 REYES 5:7

Israel llactata jatun mandac chai quillcata rezashpa, paipac churanata lliquirishpaca: «Cai runaca ñuca lepra ungüimanta allichichunmi cachashca. ¿Ñucaca causaita cungapac, causaita quichungapacca Dioschu cani imatacyari? ¡Riqui, caicunata ruhuachun nishpa cachashpaca, ñucahuan piñanacuitami mashcacun!» nirca.

DANIEL 11:27

Chai ishcai jatun mandaccunapac yuyaica millaillatami ruhuanata munanga. Micuna mizallapitacmi llullashpa parlanga. Shina cacpipish, chai punzhacuna manarac chayamushcamantami chai parlanacushcaca yangalla canga.

PROVERBIOS 24:2

Paicunapac shungupica macanacunallatami yuyacuncuna. Paicunapac shimica mapacunallatami rimancuna.

PROVERBIOS 11:27

Shuccunaman allita ruhuanata munac runaca paipish ayudata charingami. Ashtahuanpish llaquichinata munac runataca chai llaquillatacmi japinga.

PROVERBIOS 11:14

Shuc mandac pueblota mana allita mandacpica, llaqui tucushpa urmangami. Ashtahuanpish cunaccuna achca tiyacpica, mana llaqui tucungachu.

PROVERBIOS 6:14

Paipac shungupica mana allita ruhuana yuyaimi tiyan. Tucui causaipimi ima llaquita ruhuanallata, piñanacuipi churanallata yuyarishpa purin.

SALMOS 140:2

Paicunapac shungupica llaquichina yuyaillami purincuna. Shinallatac punzhantami piñanacuipi churancuna.

SALMOS 62:3

¿Ima horascamantac sapalla runataca tuñic shina, mana cashpaca pircata urmachic shina, tucuchingapac tandanacushpa yuyaricunguichic?

SALMOS 36:4

Paica camapi siricushpapish, millaita ruhuanallatami yuyarin. Millai ñanpi cashpami millaita ruhuanataca mana millanayachin.

SALMOS 7:14

Diosta mana manchacta ricui. Paicunaca millaicunata huicsayuc tucushpami, llullata huacharca.

JOB 15:35

Millaitami huicsayuc tucurcacuna mapatami sajuarircacuna, Paicunaca pandachina yuyaillami causancuna» nirca.

1 CRÓNICAS 28:1

Davidca tucui israelcunata mandaccunata, aillucunata mandaccunata, jatun mandacta servingapac quillanta shamuc soldadocunata mandaccunata, huaranga soldadocunata, patsac soldadocunata mandaccunata, jatun mandacpac tucui ima charishcacunata, paipac churicunapac ima charishcacunata mandaccunata, paipac soldadopurapi ashtahuan alli nishca sinchi soldadocunatami Jerusalenpi tandachirca.

1 CRÓNICAS 13:1

Davidca huaranga soldadota, patsac soldadota mandaccunahuan, shinallatac caishuc mandaccunahuanmi parlanacurca.

1 REYES 8:1

Tucuita ruhuashca quipami Salomonca paipac ñaupaman israelcunata pushac yuyaccunata, Israel aillucunata tucui mandaccunata, Israel familiacunata mandaccunata Jerusalenman tandachirca. Paicunataca Mandac Dios ari nishca quillcata huacaichina Arcata Davidpac pueblo Sionmanta apamungapacmi tandachirca

1 REYES 20:6

Caya cashna horastami, ñuca serviccunata cambacman cachasha. Paicunami cambac huasipi, canta serviccunapac huasicunapi ima tiyashcacunata ricushpa quillcangapac yaicungacuna. Paicunaca tucui valishca allicunatami japishpa apamungacuna” ninmi» nircacuna.

1 REYES 20:8

Shina nicpimi, pushac yuyaccunapish, tucui gentecunapish rimashpaca: —Paitaca ama cazuichu. Pai imata mañashcatapish ama cunguichu— nircacuna.

1 REYES 21:8

Chashna nishpami chai huarmica Acabpac shutipi quillcashpa, paipac sortejasllahuantac sellota churashpa, Nabot causana pueblopi causac cunac yuyaccunaman, mandaccunamanpish cacharca.