1 REYES 20:6 - Dios Rimashcata Quillcashcami

⁶ Caya cashna horastami, ñuca serviccunata cambacman cachasha. Paicunami cambac huasipi, canta serviccunapac huasicunapi ima tiyashcacunata ricushpa quillcangapac yaicungacuna. Paicunaca tucui valishca allicunatami japishpa apamungacuna” ninmi» nircacuna.

1 REYES 20:6 Referans Kwoze

JOEL 3:5

Cancunaca ñuca cullquita, curita, sumac charinacunata quichushpami, cancunapac dioscunapac huasicunaman aparcanguichic.

OSEAS 13:15

Efraín aillupurapi yuracuna shina mirarimucucpipish, Mandac Dios ñuca shitashca pambamanta shamuc rupac huaira cachashpami tucuchisha. Shinallatac tucyacuc yacupish, jundu yacupish chaquingami. Paicunapac sumac charishcacunatapish quichungami.

LAMENTACIONES 1:10

Sumac charishcacunataca paita piñaccunami quichu rirca. Shuctac llacta gentecuna Diospac huasiman yaicuctapish ricurcami. Diosca chai tandanacuna huasiman ama yaicuchunmi mandarca.

LAMENTACIONES 1:7

Jerusalenpi causaccunata prezu apacucpi mana ayudarcachu. Chaimantami ñaupa punzhacunapi sumacta causacushcata yuyarishpa, llaquilla tucuncuna. Chaita paicunata piñaccuna ricushpaca asircacunami.

JEREMÍAS 25:34

¡Michiccuna yallita llaquirishpa huacaichicyari! ¡Achca ovejacunata shina, sinchita mandaccuna, llaquirishpa ñuto allpapi singüichicyari! Chaica, cunan punzhami cancunapac cungata pitinapish, caita chaita cachanapish pactashca. Sumac vasota paquic shinami tucuchinga.

ISAÍAS 44:9

Caspimanta imaman riccha dioscunata ruhuaccunaca yangallami. Paicuna ruhuashca sumac dioscunapish imapac mana valinchu. Chai yanga dioscunata alli niccunaca yuyai illac, imata mana yachaccunami. Chaimantami pingaichishca canga.

ESDRAS 8:27

Chaipac jahuapish curimanta ruhuashca, huaranga dracmata pezac ishcai chunga jatun vasocunatami curcani. Shinallatac broncemanta ruhuashca sumac, alaja curi shina ishcai uchilla vasotami curcani.

2 SAMUEL 24:14

Shina nicpimi, Davidca Gadtaca: —Yallitami shungupi llaquiricuni. Gentecunapac maquipi llaquita apanapac randica Mandac Diospac maquipi urmanatami munai— nirca.

GÉNESIS 27:15

Chai quipaca paipac punta huahuapac huacaichishca, achca valishca sumac churanata llucchishpami, paipac quipa huahua Jacoboman churachirca.

1 REYES 20:5

Chai huillaccuna Acabpacman cutimushpaca: «Ben-adadca: “Cambac cullquita, curita, cambac huarmicunatapish, ashtahuan alli churicunatapish ñucaman cuchun nishpaca, ñami cacharcani.

1 REYES 20:7

Shina nicpimi, Israel llactata jatun mandac chai llactata mandac yuyaccunata cayashpaca: —Riqui, cai runaca ñucata llaquichinatami mashcacun. Chaitaca cancunallatac alli ricuichic. Ñuca huarmicunata, huahuacunata, ñuca charishca cullquita, curita cuchun nishpa ñucapacman cachacpica, mana jarcarishpami, chaitaca cushallami nircani— nirca.