1 REYES 20:22 - Dios Rimashcata Quillcashcami

²² Chai quipami, Dios ima nishcata huillac runaca Israel llactata jatun mandacpacman shamushpaca: —Caimanta rishpaca, ashtahuan fuerzata japishpa, imata ruhuangapacpish alli yuyaringui. Siria llactata jatun mandacca caimanta huata quipaca, cutinmi canhuan macanacungapac shamunga— nirca.

1 REYES 20:22 Referans Kwoze

1 REYES 20:26

Ña huata quipami, Ben-adadca Siria llacta soldadocuna macanacungapac ña allichirishcata ricushpa, israelcunapish macanacungapac Afec puebloman rirca.

2 SAMUEL 11:1

Chai quipa huatami tucui jatun mandaccuna macanacuiman llucshina punzha chayacpi, Davidca Joabta paita serviccunahuan, tucui israelcunahuan Amón llactapi macanacuchun cacharca. Shina cachacpimi, Amón llacta gentecunata tucuchishpa, Rabá pueblota japingapac chai pueblo muyundita shayarirca. Shina cacpipish, Davidca Jerusalenpimi saquirirca.

1 REYES 20:13

Shina cacpimi, Dios ima nishcata huillac shuc runa Israel llactata jatun mandac Acabpacman shamushpaca: —Mandac Diosca: “¡Cai tucui gentecunata ricunguichu! Riqui, ñucataca Mandac Dios cashcata ricsichunmi, cunanca paicunataca cambac maquipi churagrini” ninmi— nirca.

1 CRÓNICAS 20:1

Usyai ña callarigricupimi jatun mandaccunaca macanacuiman llucshic carca. Chai punzhacunapimi Joabca achca soldadocunata pusharishpa, amonitacunapac llactata tucuchirca. Rabá puebloman chayashpaca tucui muyushpami chai pueblota tucuchirca. Ashtahuanpish Davidca Jerusalenpimi saquirirca.

ISAÍAS 42:8

Ñucallami Mandac Dios cani. Shuctac dioscunata sumacyachichunca mana saquishachu. Ruhuashcalla dioscunata alabachunpish mana saquishachu.

ISAÍAS 26:11

Mandac Dioslla, llaquichingapac cambac maqui alzashca cacpipish, paicunaca mana ricunchu. Can acllashcacunata ricushpa, paicuna shina canata munashpa pingachun. Canta piñaccunata nina tucuchichun.

ISAÍAS 8:9

Caru llactapi causaccunalla, tucui cai pachapi causaccunalla, tandanacuichicyari. ¡Alli chumbillirishpa shayacuichic, llaquichishcami canguichic! ¡Allichirishca shuyacuichic, llaquichishcami cagringuichic!

PROVERBIOS 20:18

Ima ruhuanata yuyarishcaca cunashcahuanmi alli llucshin. Jatun macanacuitaca allita yuyarishpami ruhuana can.

PROVERBIOS 18:10

Mandac Diospac shutica sinchi torre shinami. Cashcata ruhuac runa paipacman callpacpica ayudanmi.

SALMOS 27:14

Mandac Diosta shuyailla. Sinchiyashpa cambac shungupi cushicui. ¡Ari, Mandac Diosta shuyailla!

2 CRÓNICAS 25:11

Amasiasca ashtahuanpish sinchi tucushpami, Cachi pambaman paipac soldadocunahuan rishpa, Seir llactapi causaccunataca chunga huaranga soldadocunata huañuchirca.

2 CRÓNICAS 25:8

Ashtahuanpish can mana uyashpa, chai soldadocunahuan sinchi tucushpa macanacungapac ricpica, Mandac Diosllatacmi canta piñaccunapac maquipi churanga. Mandac Diosllami mishachingapacpish, mana mishachingapacpish poderta charin— nirca.

2 REYES 6:12

Shina nicpi, servicpuramanta shucca: —Jatun mandac, ñuca amolla, pipish mana huillashcanchicchu. Ashtahuanpish, Dios ima nishcata huillac Israel llactapi causac Eliseomi Israel llactata jatun mandacman huillan. Can sueñuna ucupi imata pacalla parlanacushcatapish tucuimi huillan— nirca.

1 REYES 22:8

Shina nicpi, Israel llactata jatun mandacca Josafattaca: —Mandac Dios ima nishcata huillac shuc runaca tiyanracmi. Paica Imlapac churi Micaiasmi. Paica allitaca mana huillanchu ashtahuanpish mana allitami huillan. Chaimantami paitaca mana ricunayan— nirca. Shina nicpimi Josafatca: —Jatun mandac, ama chashna nichu— nirca.

1 REYES 20:38

Shina nicpimi, chai runaca huactashpa chugrichirca. Chashna chugrichicpimi, Dios ima nishcata huillacca jatun mandac Acab rina ñanpi lienzohuan tapallishpa shuyangapac rirca.

1 REYES 19:10

Shina nicpimi paica: —Ñucaca Mandac Diosta yallita cuyashcamantami llaquirini. Israelcunaca canhuan ari nishcatapish, cambac altarcunatapish shitashpami rishca. Canmanta huillaccunataca espadahuanmi huañuchishca. Chai huillaccunamantaca ñucallami saquirishcani. Cunanca, ñucatapish huañuchingapacmi mashcacuncuna— nirca.

EFESIOS 6:10

Chaimanta cunanca Apunchic Jesus-huan shuclla cashcamanta, pai imatapish ruhuaclla cashcahuan sinchi tucuichic.

1 REYES 20:21

Chashna cacpipish, Israel llactata jatun mandacca catishpa rishpami, siriocunataca caballopi puric soldadocunatapish, carretapi puric soldadocunatapish chugrishpa achcata huañuchirca.