1 REYES 20:15 - Dios Rimashcata Quillcashcami

¹⁵ Chashna nicpimi, Acabca llactacunata mandaccunapac ishcai patsac quimsa chunga ishcai serviccunata, shinallatac tucui israelcunatami allichirichun nishpa huillarca. Paicunaca canchis huarangami carca.

1 REYES 20:15 Referans Kwoze

2 CRÓNICAS 14:11

Asa paita Mandac Diosta caparishpa mañashpaca: «¡Mandac Dioslla, jatun poderta charicta, mana fuerzata charicta ayudacca shuctac can shinaca mana tiyanchu! Ñucanchicta Mandac Dioslla, ñucanchicta ayudaiyari. Canllapimi shunguta churanchic. Cai soldadocunahuan macanacungapacca cambac shutipimi rinchic. ¡Mandac Dioslla, canmi ñucanchic Mandac Dios cangui! Runacuna canta mishanataca mana pudinchu» nirca.

2 REYES 13:7

Siria llactata jatun mandacmi tucui tucuchishpa, ñuto allpata shina saquishca cacpimi, Joaspac gentecunaca caballopi ric pichca chunga soldadocuna, macanacuna chunga carretacuna, chaquillahuan puric chunga huaranga soldadocunalla saquirishca carca.

1 REYES 19:18

Ñucaca israelcunapurapica Baal diosta mana cunguric, paicunapac shimihuan mana muchaccunataca canchis huaranga runacunatami saquigrini— nirca.

1 SAMUEL 14:6

Jonatanca paipac escudota apac runataca: —Circuncisionta mana ruhuashca soldadocunapac ladoman pasashun. Mandac Diosca ñucanchicta ayudangapishchari. Mandac Diospacca imapish mana sinchichu. Ñucanchic achca cacpipish ashalla cacpipish paica mishachingami— nirca.

1 SAMUEL 14:2

Saulca Gabaa urcu chaquipi shayacuc granadilla yura ladopimi sucta patsac shina gentecunahuan carca. Chai yuraca Migrón pueblo ladopimi shayacurca.

JUECES 7:16

Shina nishpami Gedeonca quimsa patsac runacunataca quimsapi raquishpa, tucui paicunaman cornetacunata, chushaclla puñu ucupi nina japichishcata charichirca.

JUECES 7:7

Chaipimi Mandac Diosca Gedeontaca: «Cai quimsa patsac gentellahuanmi israelcunata quishpichishpa madianitacunataca cambac maquipi churasha. Caishuccunaca paicunapac quiquin huasicunaman cutichunlla» nirca.

1 REYES 20:14

Shina huillacpimi Acabca: —¿Pihuantac ñuca maquipi churagringui?— nirca. Shina nicpimi, chai huillac runaca: —Mandac Diosca: “Llactacunata mandaccunapac serviccunahuanmi cambac maquipi churagrini” ninmi— nirca. Shina nicpimi Acabca: —¿Macanacuitaca maijantac callarigrin?— nirca. Shina nicpimi paica: —Canmi callarina cangui— nirca.

1 REYES 20:16

Chaupi punzhatami paicunaca macanacuiman llucshirca. Ben-adadca paita ayudangapac shamushca quimsa chunga ishcai jatun mandaccunahuanmi carpa huasicunapi ubiashpa, machashca carca.

SALMOS 33:16

Pi jatun mandacpish achca soldadocunallahuanca mana quishpiri pudinchu. Jatun sinchi runapish pai fuerzata charishcallamantaca mana quishpiri pudinchu.