1 REYES 2:8 - Dios Rimashcata Quillcashcami

⁸ Benjamín aillumanta Bahurim pueblopi causac Gerapac churi Simeipish cambac maquipimi. Paica Mahanaim puebloman ñuca ricucucpica, “ima llaqui japishpami alli canman” nishpa, yallita rimarirca. Shina cashpapish paillatacmi ñuca shamucpica, Jordán yacu ladopi tupangapac urai shamurca. Chaimantami paitaca: “Cantaca manatac espadahuan huañuchishachu” nishpa, Mandac Diospac ñaupapi ari nircani.

1 REYES 2:8 Referans Kwoze

JEREMÍAS 4:2

Mandac Dios ñucapac shutipi ari nishpaca, mana llullashpa cashcata nichic. Shina ruhuacpica, shuctac llactacunapi causaccunapish, ñucamantami bendiciashca canga. Ñucahuanmi cushicunga.

ÉXODO 22:27

Chai churanaca paipac tapallinami, chirimanta jarcarinami. ¿Ima shinatac churana illacca sueñungayari? Chashna mana cutichicpi, pai ñucata mañacpica, ñucaca uyashami. Ñucaca llaquicmi cani. Chaimanta paita ayudangapac rishami.

2 SAMUEL 19:24

Shinallatac Saulpac churi Mefi-bosetpish jatun mandacta tupangapacmi urai shamurca. Paica jatun mandac llucshishpa rishca punzhamanta pachami chaquitapish mana jahuashpa, barbastapish mana pitishpa, paipac churanatapish mana tacshashpa cutimungacaman chashna carca.