1 REYES 2:45 - Dios Rimashcata Quillcashcami

⁴⁵ Ashtahuanpish jatun mandac Salomón ñucaca bendiciashcami casha. David mandashpa tiyacushcapish, Mandac Diospac ñaupapica huiñaita pi mana cuyuchipacmi canga» nirca.

1 REYES 2:45 Referans Kwoze

PROVERBIOS 25:5

Diosta mana manchac runata jatun mandacpac ñaupamanta anchuchingui. Shina anchuchicpimi, jatun mandacca cashcata ruhuashpa sinchiyanga.

SALMOS 72:17

Jatun mandacpac shutica huiñaitami causanga. Inti tiyashcacaman paipac shutica alli nishcami canga. Paimantami tucui shuctac llactapi causaccunaca bendiciashca canga. Paicunaca yallita cushicushpami alli ningacuna.

SALMOS 21:6

Huiñaipacmi bendicionta curcangui. Canca paihuan cashpami yallita cushichingui.

1 REYES 2:24

Mandac Diospac shutipimi nini: Paimi ñuca taita David mandashpa tiyarinapi pi mana cuyuchipacta ruhuashpa churarca. Pai nishca shinallatacmi ñuca huahua huahuacunapish, mandashpa causanga. Cunan Mandac Dios ricucucpimi, Adoniasca huañunga» nirca.

2 SAMUEL 7:13

Paimi ñuca huasitaca shayachinga. Paimanca huiñaita mandanatami cusha.

1 CRÓNICAS 17:27

Cunanca, canta servic ñuca huasi familiacunata cambac ñaupapi huiñaita cuidashca cachunmi bendiciasha nircangui. Can Mandac Diosllatac bendiciashcamantami ñuca huasi familiaca huiñaita alli nishca canga» nirca.

SALMOS 21:4

Causaita mañacpipish curcanguimi. Unaita causachunmi achca huatacunata curcangui.