1 REYES 2:4 - Dios Rimashcata Quillcashcami

⁴ Mandac Dios ñucataca: “Cambac huahuacuna ñuca ñaupapi purishpa, ñuca ñanmanta mana anchurishpa tucui shunguhuan, tucui almahuan alli cazucpica, cambac huahua huahuacunamantaca israelcunata mandaccunaca jaicapi mana illangachu” nircami.

1 REYES 2:4 Referans Kwoze

2 REYES 20:3

«Mandac Dioslla, cantami mañani. Cambac ñaupapi mana llullashpa, tucui shunguhuan canta cazushpa causashcataca yuyariyari» nirca. Shina nishpami Ezequiasca yallita cuillata huacarca.

1 REYES 8:25

Israelcunata Mandac Dioslla, cunanca canta servic ñuca taita Davidman cushami nishcataca pactachiyari. Canca: “Cambac huahua huahuacuna ñuca ñaupapi can causashca shina causashpa ñucata cazucpica Israel llactata mandangapac tiyarinapi tiyaric runaca mana illangachu” nishcami carcangui.

2 SAMUEL 7:25

Cunanca Mandac Dioslla, canta servic ñucamanpish, ñuca huasi ucupuramanpish imata ruhuasha nishcataca can munashca shina huiñaipac ruhuailla.

SAN MATEO 22:37

Shina nicpimi Jesusca: —“Canta Mandac Diosta tucui shunguhuan, tucui almahuan, tucui yuyaihuan cuyangui” ninmi.

SAN LUCAS 1:6

Zacariaspish, Elisabetpish Diospac ñaupapi cashcata ruhuashpami, allita causarca. Paicunaca Dios mandashcacunatapish, yachachishcacunatapish tucuita pactachicmi carca.

ZACARÍAS 14:2

Mandac Diosmi Jerusalenpi causaccunahuan macanacuchun, shuctac llactacunamanta tandachimunga. Paicunami cai llactata quichushpa, huasicunapi ima charishcacunatapish quichuga. Huarmicunatapish, japirishpa llaquichingami. Cai llactapi causacpuramanta chaupica prezumi ringa. Ashtahuanpish chai puchushca gentecunallami caipica saquiringa.

SALMOS 37:22

Pai bendiciashca runacunami llactataca japinga. Shinallatac pai maldiciashca runacunaca tucuchishcami canga.

SALMOS 37:9

Chaica millaicunaca chingachishcami canga. Mandac Diosta shuyaccunaca quiquin allpatami japingacuna.

2 CRÓNICAS 17:3

Pai mandai callarishpaca, ñaupa taita David causashca shinallatacmi allita ruhuashpa causarca. Baal dioscunataca mana catircachu. Chaimantami Mandac Diosca Josafathuan carca.

1 CRÓNICAS 28:9

Salomón ñuca huahualla, cambac taitapac Diostaca ricsiyari. Paitaca alli shunguhuan, tucui munaihuan servishpa causaiyari. Mandac Diosca tucuipac shungutami ricucun. Imata ruhuanata yuyaricushcatapish tucuitami yachan. Can paita mashcashpaca taringuimi, ashtahuanpish paita can cungaricpica, paipish cantaca huiñaita cungaringa.

2 REYES 23:25

Moisés mandashcacunapi nishca shina tucui shunguhuan, tucui almahuan, tucui fuerzahuan Mandac Diosman cutirishpa pai causashca shinaca ñaupa jatun mandaccunapish, paipac quipaman tiyac jatun mandaccunapish mana tiyarcachu.

2 REYES 23:3

Chai quipami jatun mandacca pilar ladopi shayarishpa Mandac Diosta catishun nishpa, Mandac Diospac ñaupapi ari nircacuna. Pai mandashcacunatapish, pai yachachishcacunatapish pactachishun pai rimashca shimicunatapish, Dios-huan ari nishcatapish, chai libropi quillcashcatapish tucui shunguhuan, tucui almahuan pactachishun nishpami ari ninacurca. Chashnami Dios ari nishcataca tucui gentecuna pactachishun nircacuna.

1 REYES 9:5

Shina causacpica, ñucallatacmi Israel llactata mandangapac can tiyarinataca, cambac taita Davidman huillashca shinallatac sinchiyachishpa churasha. Paitaca: “Cambac huahua huahuacunamantaca israelcunata mandangapac tiyarinapi tiyaric runaca mana illangachu” nircanimi.

1 REYES 8:23

«Israelcunata Mandac Dioslla, can Dios shinaca jahua pachapipish, cai pachapipish mana tiyanchu. Canta tucui shunguhuan cazushpa, cambac ñaupapi alli puric canta serviccunata llaquishpami, imata ari nishcatapish pactachingui.

1 REYES 3:14

Shinallatac ñucata mana saquishpa, ñuca quillcashca shimicunata ñuca mandashcacunata cambac taita David shina cazushpa causacpica, cambac causana punzhacunatapish yallichishami— nirca.

1 REYES 3:3

Salomonca Mandac Diosta cuyarcami, paipac taita David yachachishcatapish cazushpami causarca. Shina cashpapish, lomacunapi tiyac altarcunapimi animalcunata Diosman cushpa huañuchic carca, shinallatac inciensotapish cushnichic carca.

DEUTERONOMIO 11:13

Cunan ñuca yachachishca cazushpa, Mandac Diosta tucui shunguhuan, tucui almahuan servishpa, paita cuyacpica,

DEUTERONOMIO 10:12

Israelcunalla, ¿imatatac Mandac Diosca ruhuachun nin? Mandac Diosca paita manchashpa, pai munashca shina causachun, tucui shunguhuan, tucui almahuan, paillata cuyachun,

DEUTERONOMIO 7:12

Cancuna cai mandashcacunata yuyarashpa cazucpimi, Mandac Diosca cuyashpa, cancunapac taitacunahuan ari nishcataca pactachinga.

DEUTERONOMIO 6:5

Mandac Diostaca tucui shunguhuan, tucui yuyaihuan, tucui munaihuan cuyangui.

LEVÍTICO 26:3

Ñuca yachachishca shina causashpa, ñuca mandashcacunatapish cazucpica,

GÉNESIS 18:19

Abraham tucui paipac causaipi huahuacunamanpish, huahuapac huahuacunamanpish ñuca yachachishcata yachachigricucta, imapish alli cashcallata ruhuanata yachachigricuctami yachani. Shina cacpica, ñuca imallata Abrahamman cusha nishcataca pactachishcami canga» nishpa yuyarca.

GÉNESIS 17:1

Abram iscun chunga iscun huatayuc cacpimi, Dios ricurishpaca: —Ñucami tucui imatapish ruhuaclla Diosca cani. Imatapish allita ruhuashpa, ñuca ñaupapi purilla.

SAN JUDAS 1:24

¡Ñucanchicta Quishpichic shuclla Diostaca “allimari cangui” nishunchic! Paimi paipac poderhuan, cancuna ima millaipi ama urmashpa, paipac sumaimana ñaupapi cushilla ricurichun huacaichicun.

2 CRÓNICAS 6:16

Israelcunata Mandac Dioslla, cunanca canta servic ñuca taita Davidman cushami nishcataca pactachiyari. Paitaca: “Cambac huahua huahuacunamanta, ñuca ñaupapi Israel llactata mandangapac tiyarinapi tiyaric runaca mana illangachu. Chaipacca ñuca ñaupapi can causashca shinallatac, cambac huahua huahuacuna ñuca mandashcata cazushpami alli causana can” nircanguimi.

2 CRÓNICAS 7:18

ñuca cambac taita Davidhuan ari nishca shinallatacmi can mandanataca mana pi cuyuchipacta ruhuasha. Paimanca: “Cambac huahua huahuapuramantaca Israel llactata mandacca mana illangachu” nircanimi.

SALMOS 39:1

Ñucaca: «Ñuca calluhuan mana juchallingapacmi alli yuyaihuan causasha. Diosta mana cazuccunapac ñaupapica shimipi frenota churac shinami millaita rimanamanta jarcarisha» nircani.

SALMOS 119:9

¿Ima shinatac quipa huiñaicunaca paipac causaipi chuya canga? Cambac rimashcata cazushpami chuya canga.

JEREMÍAS 33:17

Chaimanta Mandac Diosca: Davidpac huahuapuramanta israelcunata mandashpa tiyarinapica jaicapi mana illangachu.

1 REYES 1:48

Jatun mandacca: “Israelcunata Mandac Diosca alli nishca cachun. Cunanca paimi ñuca mandashpa tiyacushcapi tiyarichun, ñuca causacucpirac ñuca ñahuihuan ricuchun churashca” nircami— nirca.

1 REYES 6:12

«Can shayachishca huasimantaca caitami nisha nini. Ñuca quillcashcacunata cazushpa, ñuca huillashcata uyashpa, ñuca mandashca shimicunata tucui pactachishpa alli causacpica, cambac taita Davidman ima nishcataca canhuanmi pactachisha:

1 REYES 11:36

Salomonpac churi mandachunca shuc aillullatami cusha. Ñucata servic Davidpac huahua huahuacunataca lámpara shina mana huañuc punzhanta cachunmi Jerusalenpi mandachun saquigrini. Chai pueblotaca ñuca shutipi mañachunmi acllarcani.