1 REYES 2:37 - Dios Rimashcata Quillcashcami

³⁷ Chaimanta llucshishpa Cedrón yacuta pasashpa rishpaca chai punzhallatacmi huañungui. Chashna cacpica, can huañushcaca cambac jahuallatami canga— nirca.

1 REYES 2:37 Referans Kwoze

2 SAMUEL 1:16

Chashna huañuchishca quipami Davidca: —Cambac shimillahuantac: “Aceitehuan cahuishpa Mandac Dios acllashca runataca ñucami huañuchircani” nishpaca cambac shimillahuantacmi llaqui tucushcangui. Chaimanta canta huañuchishpa jichashca yahuarca cambac jahuallatami— nirca.

2 SAMUEL 15:23

Tucui gentecuna chaita pasacucpica, paicunaca munai caparishpami huacacurca. Chashnami jatun mandacca paihuan cac gentecunandi Cedrón yacuta pasashpa, shitashca pambaman rirca.

JOSUÉ 2:19

Chai huasimanta maijanpish llucshishpa huañushpaca, paillatacmi juchayuc canga. Maijanpish cambac huasiman yaicushpa huañuchicpica, chai huañushcamantaca ñucanchicmi juchayuc cashun.

SAN JUAN 18:1

Jesusca chashna nishca quipaca, paipac yachacuccunahuanmi Cedrón yacu chimbaman rirca. Chaipimi shuc huerta tiyarca. Chaimanmi Jesusca paipac yachacuccunahuan yaicurca.

EZEQUIEL 18:13

cullquita mañachishpapish interesta japic runaca, ¿causangachu? ¡Paica mana causangachu! Cai tucui millaita ruhuashcamantaca huañungatacmi. Chashnami paipac juchamanta huañunga.

2 REYES 23:6

Shinallatac Asera huarmi diosta yuyarina yuratapish Mandac Diospac huasimanta llucchishpa aparishpami Jerusalenmanta canzhaman Cedrón pambapi rupachirca. Chai pambapi rupachishca, uchupataca chai pueblomanta gentecuna enterrashca jahuapimi shitarca.

LEVÍTICO 20:9

Maijanpish paipac taita mamata imapish tucushca canman nicca huañuchishcami canga. Paica mana allita ruhuashcamantami huañuchishca canga.

JEREMÍAS 31:40

Huañushcacunata shitana pambapish, uchupata shitana pambapish, Cedrón yacu pata pambacaman, inti llucshina ladopi tiyac esquinapi cac caballocuna yaicuna pungucamanmi, Mandac Dios ñucapaclla chicanyachishca canga. Paicunataca jaicapi mana llucchishpa cachangachu. Mana tucuchingachu» ninmi.

2 CRÓNICAS 29:16

Shina yaicushpami, Mandac Diospac huasi ucupi tiyac mapataca Mandac Diospac huasi pungu pambaman llucchirca. Shina llucchicpimi, levitacunaca Cedrón yacu huaicupi chai mapataca shitarca.

1 REYES 15:13

Shinallatac Asera diosta ruhuashcamantami paipac mama Maacatapish jatun mandac canamanta anchuchirca. Asaca mamapac yanga diosta paquishpaca, Cedrón yacu ladopimi rupachirca.

1 REYES 2:33

Paicunapac yahuarca Joabpac jahuallapitac, shinallatac paipac huahua huahuacunapac jahuallapitac urmachun. Ashtahuanpish, Davidmanpish paipac huahua huahuacunamanpish, paipac huasi ucupuracunamanpish, pai mandangapac tiyarinapipish, Mandac Diosca huiñaita sumac causaita cuchun— nirca.

1 REYES 2:31

Shina huillacpi jatun mandacca: —Pai nishca shinallatac ruhuailla. Huañuchishpa enterragri. Shina ruhuashpami, manapish huañuchina gentecunata Joab huañuchishpa yahuarta jichashcamantaca ñucamantapish, ñuca taitapac familiapuramantapish anchuchingui.

1 REYES 2:38

Shina nicpimi, Simeica jatun mandactaca: —Allitami ningui, ñuca amo can jatun mandac nishca shinallatacmi, canta servic ñucaca ruhuasha— nirca. Simeica tauca punzhacunatami Jerusalenpi causarca.