1 REYES 2:29 - Dios Rimashcata Quillcashcami

²⁹ Joabca Mandac Dios-huan tupana huasiman miticungapac rishpami, altar ladopi shayacun nishpa, Salomonman huillarca. Chashna huillacpimi Salomonca, Joiadapac churi Banaiastaca: «¡Joabta ri huañuchigri!» nishpa mandarca.

1 REYES 2:29 Referans Kwoze

1 REYES 2:25

Shina nishca quipami jatun mandac Salomonca Joiadapac churi Benaiastaca, Adoniasta huañuchigri nishpa cachacpimi huañuchirca.

ÉXODO 21:14

Maijanpish shuctac runata piñashpa, cungailla huañuchicca, ñuca altarmanta llucchishpa, huañuchishcami cana can.

1 PEDRO 4:17

Dios taripana punzhaca ñami chayamucun. Chaipica paipac huahuacunataracmi Diosca taripanga. Chashna ñucanchictarac taripai callaricpica, Diosmanta alli huillaita mana cazuccunacarin, ¿imachari tucunga?

EZEQUIEL 9:6

Ñucapaclla huasipi caccunamanta callarishpa yuyaccunatapish, mosocunatapish, huarmicunatapish, huahuacunatapish tucui huañuchichic. Ashtahuanpish señalta chariccunapacmanca ama cuchuyanguichicchu» nirca. Shina nicpimi, Diospac huasi ñaupapi cac yuyaccunamanta callarishpa huañuchirca.

1 REYES 2:46

Chashna nishpami, jatun mandacca Joiadapac churi Benaiasta mandashpa cacharca. Shina mandacpimi, pai llucshishpa rishpaca, Semeita huañuchirca. Chashnami llactata mandanaca Salomonpac maquipi sinchiyarca.

1 REYES 2:31

Shina huillacpi jatun mandacca: —Pai nishca shinallatac ruhuailla. Huañuchishpa enterragri. Shina ruhuashpami, manapish huañuchina gentecunata Joab huañuchishpa yahuarta jichashcamantaca ñucamantapish, ñuca taitapac familiapuramantapish anchuchingui.

2 SAMUEL 8:18

Joiadapac churi Benaiasca peleteocunata, Cereteocunata mandacmi carca. Davidpac churicunaca curacunami carca.

1 REYES 2:30

Shina nicpimi, Benaiasca Mandac Dios-huan tupana huasiman yaicushpaca: —Jatun mandac caimanta llucshi ninmi— nirca. Shina nicpimi Joabca: —Mana llucshishachu caipimi huañusha— nirca. Shina nicpimi, Benaiasca Joab ima nishcata jatun mandacman huillangapac rirca.

PROVERBIOS 28:17

Pitapish huañuchishpa yahuarta jichac runaca pai huañungacamanmi miticushpa puringa. Paitaca huañunamanta mana pi jarcanchu.