1 REYES 2:15 - Dios Rimashcata Quillcashcami

¹⁵ Shina nicpi, Adoniasca: —Canllatac yachanguimi. Llactata mandanaca ñucapacmi carca. Shinallatac tucui israelcunami paicunata mandac cachun, ñucata shuyarca. Shina cacpipish, llactata mandanataca Dios ñuca huauquiman cucpimi paipac saquirirca.

1 REYES 2:15 Referans Kwoze

1 REYES 1:25

Cunanmi paica huirayashca huagracunata, shuctac animalcunata, achca ovejacunatapish huañuchishpa, jatun micuita ruhuangapac urai rishca. Chai micuimanmi can jatun mandacpac tucui caishuc churicunata, soldadocunata mandaccunata, shinallatac Abiatar curatapish cayashca. Riqui, paicunaca paipac ñaupapimi micushpa ubiashpaca: “¡Jatun mandac Adoniasca causacuchunlla!” nishpa caparicun.

1 REYES 1:5

Chai shina cacpimi, Haguit huarmipac cari huahua Adoniasca: «Ñucami mandana cani» nishpa jatun tucushpa puricurca. Shina nishpami carretacunata ruhuachishpa, caballocunatapish randishpa, paita cuidachunca pichca chunga soldadocunatapish tandachirca.

DANIEL 2:22

Canmi maita mana yachaipaccunatapish yachachingui. Canmi yalli purapi caccunatapish achicyachingui. Canmi luz cangui.

PROVERBIOS 21:30

Alli yachaipish, ima yuyaipish, ima cunashcapish Mandac Diostaca mana ati pudinchu.

2 SAMUEL 16:18

Shina nicpimi Husaica: —Paihuan rinataca mana pudinichu. Ñucaca Mandac Diospish, tucui israelcunapish acllashca jatun mandac-huanmi saquirina cani.

2 SAMUEL 7:12

Can ña unaita causashpa cambac taitacunahuan enterrashca cacpica, cambac huahuacunamantami shucta acllashpa cambac mandanapi churashpa, can mandanataca allichisha.

2 SAMUEL 15:13

Shuc huillac runa Davidman huillangapac shamushpaca: «Israelcunaca tucuimi Absalonta cati callarincuna» nirca.

2 SAMUEL 15:6

Ima piñanacushcatapish, ima llaquicunatapish allichichun jatun mandacman mañan shamuccunataca tucui israelcunatami chashna ruhuarca. Chashnami tucui israelcunapac cuyashca tucurca.

2 SAMUEL 12:24

Chaimanta rishpaca, Davidca paipac huarmi Betsabeta cushichingapacmi rirca. Chashna cushichishpa, paipi chayaricpimi, Betsabeca huicsayuc tucushpa, shuc cari huahuata charirca. Chai huahuataca Salomontami shutichirca. Chai huahuata Mandac Diosca cuyashpami,

2 SAMUEL 3:3

Ishcainiqui churica Carmel pueblomanta huañuc Nabalpac huarmi Abigailpi charishca Quileabmi carca. Quimsaniqui churica Gesur pueblota mandac Talmaipac ushi Maaca huarmipi charishca Absalonmi carca.

2 SAMUEL 3:4

Chuscuniqui churica Haguit huarmipi charishca Adoniasmi carca. Pichcaniqui churica Abital huarmipi charishca Sefatiasmi carca.

1 REYES 1:38

Chai quipami, Sadoc curapish Dios ima nishcata huillac Natanpish, Joiadapac churi Benaiaspish, cereteo, peleteo runacunapish, urai rishpa Salomontaca jatun mandac David tiyarina mulapi tiyachishpa, Gihón yacu junduman pusharcacuna.

1 REYES 2:14

Shina nishca jahuapish: —Shuc rimaita rimanata munani— nirca. Shina nicpimi Betsabeca: —Rimailla— nirca.

1 REYES 2:16

Cunanca caitami canman mañanata munani. Ama mana ninguichu nirca. Shina nicpimi Betsabeca: —Imata cashpapish nilla— nirca.

1 REYES 2:22

Shina nicpi, jatun mandac Salomonca paipac mamataca: —Sunamitapuramanta Abisag huarmitaca, ¿ima nishpatac Adoniasman cuchun nishpa mañangui? Paica llactata mandanatapish mañacunmi. Paica ñucapac punta huauqui cashpami, Abiatar curatapish, Sarviapac cari huahua Joabtapish ña charin— nirca.

1 REYES 1:39

Sadoc curaca Dios-huan tupana huasiman yaicushpa, gachupi aceiteta tallishpa apashpami, Salomontaca aceitehuan cahuirca. Chai quipaca trompetapi tocashpaca: “¡Jatun mandac Salomón causachun!” nishpa, tucui caparirca.