1 REYES 2:10 - Dios Rimashcata Quillcashcami

¹⁰ David huañushpa, paipac taitacunahuan tandanacucpica, paipac pueblollapitacmi enterrarca.

1 REYES 2:10 Referans Kwoze

HECHOS 2:29

Tandanacushca huauquicunalla, ñaupa mandac Davidmantaca, tucui ima shina cashcatami huillagrini. Pai huañucpica, enterrarcami. Pai maipi enterrashcatapish yachanchicmi.

HECHOS 13:36

Davidca pai causai punzhacunapica Dios munashca shinami servishpa causarca. Chashna cashpapish paica huañushpa, paipac ñaupa taitacunahuanmi enterrashca carca. Paipac cuerpopish ismurcami.

1 CRÓNICAS 29:28

Paica achca huatacunata causashpa, yuyac cashpami huañurca. Paica tucui alli nishca achca charicmi carca. Pai huañucpica, paipac churi Salomonmi paipac randi mandarca.

1 REYES 11:43

Salomón huañushpa, paipac ñaupa taitacunahuan tandanacugricpica, Davidpac pueblopimi enterrarca. Paipac randica paipac churi Roboammi mandarca.

1 REYES 1:21

Can mana chashna ruhuacpica, ñuca amo can jatun mandac huañushpa cambac ñaupa taitacunahuan tandanacugrishca quipaca ñucapish, ñuca huahua Salomonpish juchanchishcami cashun— nirca.

1 REYES 3:1

Jatun mandac Salomonca Egipto llactata jatun mandac Faraonpac ushihuan cazarashpami familiapura tucurca. Paica Faraonpac ushi paipac huarmitaca Davidpac pueblomanmi pushamurca. Salomonca pai mandashpa tiyana huasitapish, Mandac Diospac huasitapish, Jerusalén pueblo muyundi pircatapish ruhuangacamanmi chaipi charirca.

2 SAMUEL 5:7

Chashna nicucpipish, Davidca jatun torrehuan jarcashca Sión pueblotaca japircami. Chai puebloca Davidpac pueblomi.

1 CRÓNICAS 11:7

Chai quipami Davidca muyundita pircashca pueblopi causagrirca. Chaimantami Davidpac Pueblo nincuna.

1 REYES 11:21

Hadadca Egiptopi cashpami David huañushpa, paipac taitacunahuan tandanacugrishcata Israel soldadocunata mandac Joabpish, huañushcata yacharca. Chaimantami Hadadca Faraontaca: —Ñuca llactamanta cutingapac richun saqui— nirca.

2 CRÓNICAS 9:31

Salomón huañushpa, paipac ñaupa taitacunahuan tandanacugricpica, paipac taita Davidpac pueblopimi enterrarca. Paipac randica paipac churi Roboammi mandai callarirca.

2 SAMUEL 5:9

Davidca chai jatun torrehuan jarcachishca pueblopi causashpami Davidpac pueblo nishpa cayarca. Shinallatac Milo pushtumanta callarishpaca pai tiyana huasicaman jatun pircata ruhuachirca.

2 SAMUEL 7:12

Can ña unaita causashpa cambac taitacunahuan enterrashca cacpica, cambac huahuacunamantami shucta acllashpa cambac mandanapi churashpa, can mandanataca allichisha.

1 REYES 8:1

Tucuita ruhuashca quipami Salomonca paipac ñaupaman israelcunata pushac yuyaccunata, Israel aillucunata tucui mandaccunata, Israel familiacunata mandaccunata Jerusalenman tandachirca. Paicunataca Mandac Dios ari nishca quillcata huacaichina Arcata Davidpac pueblo Sionmanta apamungapacmi tandachirca

1 REYES 14:31

Roboam huañushpa, paipac ñaupa taitacunahuan tandanacucpica, paipac taitacunata enterrashca ladollapitacmi Davidpac pueblopi enterrarca. Paipac mamaca amonitapuramanta Naamami carca. Paipac randica paipac churi Abiasmi mandarca.

1 REYES 15:8

Abiam huañushpa paipac ñaupa taitacunahuan tandanacucpica, Davidpac pueblopimi enterrarca. Paipac randica paipac churi Asami mandarca.

1 REYES 15:24

Asa huañushpa paipac ñaupa taitacunahuan tandanacucpica, Davidpac pueblopimi enterrarca. Paipac randica paipac churi Josafatmi mandarca.

1 REYES 22:51

Judá llactata jatun mandac Josafat chunga canchis huatata mandacucpimi, Acabpac churi Ocoziasca Israel llactata Samaria pueblopi mandai callarirca. Paica ishcai huatatami Israel llactata mandarca.

2 REYES 8:24

Joram huañushpa, paipac ñaupa taitacunahuan tandarigricpica, paipac taitacuna enterrashcapimi Davidpac pueblopi enterrarca. Paipac randica paipac churi Ocoziasmi mandai callarirca.

2 REYES 9:28

Chaipi huañucpimi, paita serviccunaca Jerusalenman shuc carretapi aparca. Chaiman apashpami, paitaca paipac ñaupa taitacunata enterrashcapi Davidpac pueblopi enterrarca.

2 REYES 14:20

Paitaca caballopi apachishpa rishpami, paipac ñaupa taitacunata enterrashca lado Jerusalenllapitac enterrarca. Chai puebloca Davidpac pueblomi carca.

2 REYES 15:38

Jotam huañushpa, paipac ñaupa taitacunahuan tandanacugricpica, paipac ñaupa taitacunata enterrashcallapitacmi Davidpac pueblopi enterrarca. Paipac churi Acazmi paipac randi mandarca.

2 REYES 16:20

Jatun mandac Acaz huañushpa paipac ñaupa taitacunahuan tandanacugricpica, paipac ñaupa taitacunata enterrashcallapitacmi Davidpac pueblopi enterrarca. Paipac churi Ezequiasmi paipac randi mandarca.

2 CRÓNICAS 24:16

Pai huañucpica, Davidpac pueblopimi jatun mandaccunata enterrashca ladopi enterrarca. Paitaca israelcunamanpish, Mandac Diosmanpish, Diospac huasipipish allita ruhuashcamantami chaipi enterrarca.