1 REYES 19:21 - Dios Rimashcata Quillcashcami

²¹ Shina nicpimi, Eliseo rishpaca huagracunata huañuchishpa, armata yantata ruhuashpa aichata cusashpa gentecunaman cararca. Chai quipaca, Eliasta catishpa rishpami paita servirca.

1 REYES 19:21 Referans Kwoze

2 SAMUEL 24:22

Shina nicpimi, Araunaca Davidtaca: —Ñuca amo jatun mandaclla, chaipimi can munashcata ruhuailla. Diosman cushpa tucui rupachingapacpish caipimi huagracunapish, rupachingapac yantaca trillana caspicunapish, yugopish caipimi.

ÉXODO 24:13

Chashna nicpimi, Moisesca paita ayudac Josuehuan Diospac urcuman huichai rirca.

FILEMÓN 1:13

Alli huillaita huillashcamanta ñuca prezu tiyacucpi cambac randi ñucaman allita ruhuachunmi, caipi saquirichun munani.

2 TIMOTEO 4:11

Lucasllami ñucahuan can. Chaimanta Marcosta mashcashpa pushamui. Paica ima ruhuanapipish allitac ayudacmi.

HECHOS 13:5

Salamina puebloman chayashpaca, israelcuna tandanacuna huasicunapimi Diosmanta alli huillaita huillarcacuna. Marcos nishca Juanmi paicunata ayudashpa purirca.

2 REYES 3:11

Shina nicpimi Josafatca: —Mandac Diosman tapungapacca ¿Manachu pai ima nishcata huillac caipica tiyan?— nishpa tapurca. Shina nicpimi, Israel llactata jatun mandacpac servicpuramanta shucca: —Safatpac churi Eliseomi caipi causan. Paica Eliasta servicmi carca— nirca.

2 REYES 2:3

Chaiman chayacpimi, Dios ima nishcata huillaccuna Eliseota tupangapac llucshishpaca: —¿Mandac Dios canta mandacta quichushpa cunan apagricuctaca yachanguichu?— nirca. Shina nicpimi Eliseoca: —Ari, yachanimi, upalla cailla— nirca.

1 REYES 18:43

Chai quipami paita servictaca: —Mama cuchata ricugri— nirca. Shina nicpi, pai huichai rishpa ricushpaca: —Ima mana ricurinchu— nirca. Shina nicpimi Eliasca: —Canchis cutincaman ricugringui— nirca.

1 SAMUEL 6:14

Chai carreta aisashca vacacunaca Bet-semes pueblopi causac Josuepac allpaman chayashpami shuc jatun rumi ladopi shayarirca. Chaipimi paicunaca carreta caspicunataca yantata ruhuashpa, chai vacacunataca Mandac Diosman cushpa tucui rupachirca.