1 REYES 19:2 - Dios Rimashcata Quillcashcami

² Shina huillacpimi, Jezabel Eliasman huillachun shuc huillacta cachashpaca: «Chai huillaccunata huañuchishca shinallatac cantapish caya cashna horasllatatac mana huañuchicpica, ñucatapish dioscunaca yallita llaquichichun» nishpami huillachun cacharca.

1 REYES 19:2 Referans Kwoze

2 REYES 6:31

Chai quipami jatun mandacca: «¡Safatpac churi Eliseopac umata cunan mana piticpica, Diosllatac yallita llaquichichun!» nirca.

1 REYES 20:10

Shina huillacpimi, Ben-adadca Acabman huillachun cutin cachashpaca: «Cai Samaria puebloca ñuca soldadocuna maqui junda allpata apashpa ringapacpish mana pactangachu. Mana chashna ruhuacpica, ñuca dioscuna yallita llaquichichun» nishpa cacharca.

RUT 1:17

Maipimi can huañungui, chaipimi ñucapish huañusha, chaillapitacmi enterrashca casha. Ñuca nishcata mana pactachishpa canta saquishpa ricpica, Mandac Diosllatac yallita llaquichichun. Ñucanchic ishcaimantaca huañushpami raquirishun— nirca.

DANIEL 3:15

Cunanca Cornetapi, flautapi, tamborpi, arpapi, salteriopi, zampoñapi, shinallatac shuctac tocanacunapi tocashca uyaricpi, ¿ñuca ruhuashca runaman ricchapac ñaupapi cumurishpa alli ningapac rinallachu canguichic? Chai horas cumurishpa mana adorashpaca rupacuc hornopimi shitashca canguichic— nirca.

PROVERBIOS 27:1

Caya ima ruhuana cashcata ama nichu. Caya punzha ima tucuna cashcataca mana yachanguichu.

ÉXODO 10:28

Faraonca Moisestaca: —¡Ñucapac ñaupamanta anchuri! Ima punzhami ñucapac ñaupaman cutin shamungui, chai punzhami huañungui. Chaimanta ñucapac ñaupamanca, pacta shamunguiman— nirca.

1 REYES 2:28

Chashna tucushcatami Joabman huillarca. Paica Absalonhuan mana apanacushpapish, Adonias-huanmi apanacuc carca. Chaimantami Joabca Mandac Dios-huan tupana huasiman miticungapac rishpa, altar gachucunapi japirishpa carca.

2 REYES 19:22

¿Pitatac mana alli nishpa rimarcangui? ¿Pitatac jatun tucushpa caparircangui? ¡Israelcunapac jucha illac Diostamari rimarcangui!

ÉXODO 15:9

Ñucanchicta piñaccunaca: “Cati rishpa japishunmi, paicunamanta quichushpa, chaupinacushpa cushicushunmi. Espadata llucchishpami, ñucanchic maquihuan tucuchishun” nircami.

2 SAMUEL 3:9

Mandac Dios Davidman cushami nishca pactachun Davidta mana ayudacpica, ñucata ashtahuan llaquichichun.

2 SAMUEL 19:13

Shinallatac Amasaca: “¿Canca manachu ñuca tullullatac, ñuca aichallatac cangui? Cunanmanta ñaupaman Joabpac randi tucui soldadocunata mandac cachun churacpica, Mandac Diosllatac ñucata llaquichichun ninmi” nigrichic» nirca.

JEREMÍAS 20:10

Tucui ladocunapimi ñucata huashalla rimashpaca: «¡Manchaica tucui llactacunapimi! ¡Chaitaca huillaichicyari, huillashunchicyari!» nincuna. Ñucahuan apanacuccunapish ñuca pandaricta chapacuncunami. Paicunaca: «Ima shinapish umashpa, huañuchishpami mishashun. Ñucanchicta ima shina, llaquichishca shinallatacmi llaquichishun» nincunami.

JEREMÍAS 26:21

Jatun mandac Joacimpish, pai churashca mandaccunapish, caishuc mandaccunapish pai huillashcataca uyarcami. Chaimantami jatun mandacca Uriasta huañuchinata munarca. Chaita Urías yachashpami, manchaihuan Egiptoman miticushpa rirca.

1 REYES 2:23

Shina nishpami, jatun mandac Salomonca, Mandac Diospac ñaupapi ari nishpaca: «Adoniasca paillatac huañungapacmi cai shimicunata nishca. Paita mana huañuchicpica, Dios yallita llaquichichun.