1 REYES 19:19 - Dios Rimashcata Quillcashcami

¹⁹ Chai urcumanta rishpami, Eliasca Safatpac churi Eliseo chunga ishcai yuntacunahuan yapucucman chayarca. Shuc yuntapica paillatacmi tucuipac huashata caticurca. Eliasca Eliseopac ñaupata rishpami, pai jahualla churarishcata Eliseopac jahuapi shitarca.

1 REYES 19:19 Referans Kwoze

2 REYES 2:8

Chaipimi Eliasca paipac jahualla churanata llucchishpa, patarishpaca yacupi huactarca. Shina huactacpimi, yacu caiman chaiman montonaricpi, paicunaca chaquishca allpata pasarca.

1 SAMUEL 28:14

Shina nicpimi Saulca: —¿Chaicunaca imalayatac ricurin?— nishpa tapurca. Shina nicpimi, chai huarmica: —Yuyac runami, jahualla churanahuan pillurishpa llucshicun— nirca. Shina nicpi, Saulca Samuelmi canga yuyashpa, allpaman chayacta cumurirca.

ZACARÍAS 13:5

Chaimantami paicunapuramanta cada shuc: “Ñucaca mana huillacchu cani, allpapi trabajashpa causacmi cani. Ñucaca huambramanta pachami allpapi trabajashpa causani” ninga.

1 REYES 19:13

Elías chaita uyashpaca, pai jahualla churarishcahuan ñahuita jarcarishpami tapashpa, canzhaman llucshishpa chai jatun machai pungupi shayarirca. Elías chaipi shayacucpica: —¿Elías imatatac caipica ruhuacungui?— nirca.

JUECES 6:11

Mandac Diospac ángel rishpaca abiezeritapuramanta Joaspac Ofra pambapi tiyac encina yura ucullapimi tiyarirca. Joaspac churi Gedeonca madianitacunamanta pacangapacmi vinota capina pushtupi trigota huactacurca.

ÉXODO 3:1

Moisesca paipac suegro Jetropac ovejacunatami michishpa causarca. Jetroca Madián llactapi curami carca. Chashna michicushpami, shitashca pambata pasashpa, Diospac Horeb urcuman chayarca.

AMÓS 7:14

Shina rimacpimi, Amosca Amasiastaca: —Ñucaca, mana Dios ima nishcata huillacchu cani, mana huillacpac churichu cani. Ashtahuanpish huagrata michishpa, sacha higota pallacmi cani.

HEBREOS 11:37

Cutin shuccunaca rumihuan shitashpa huañuchishcapish, shuccunaca serruchuhuan pitishpa huañuchishcapish, espadahuan huañuchishcapish carcami. Oveja cara, chivo cara churarishcami huacchayashpa, caiman chaiman manchaihuan llaquilla puricurcalla.

1 SAMUEL 11:5

Saulca huagracunahuanmi pambamanta shamucurca. Chashna rishpaca: —¿Ima nishpatac gentecunaca cashna huacacun?— nishpa tapurca. Shina tapucpimi, Jabes pueblomanta shamuc runacuna ima nishcata tucui huillarca.

1 REYES 19:16

Nimsipac churi Jehutaca Israel llactata jatun mandac cachun, aceitehuan cahuingui. Shinallatac Abel-mehola pueblopi causac Safatpac churi Eliseotaca cambac randi ñuca ima nishcata huillac cachun aceitehuan cahuingui.

AMÓS 7:15

Shina cacpipish, Mandac Diosmi ñuca huagrata michicucpi cayashpaca: “Ñuca ima nishcata ñuca acllashca israelcunaman huillagri” nirca.