1 REYES 18:10 - Dios Rimashcata Quillcashcami

¹⁰ ¡Canta Mandac Diospac shutipimi nini: Tucui llactacunaman, tucui mandaccunapacmanmi ñucata mandac Acabca canta mashcachun cacharca! Paicunaca: “Eliasca mana caipichu” nircami. Shina nicpipish, tucui chai mandaccunatapish, llactacunapi causaccunatapish canta mana ricushcataca cutinpish, cutinpish allimi huillachic carca.

1 REYES 18:10 Referans Kwoze

1 REYES 17:1

Eliasca Galaad llacta tisbitapuramantami carca. Paica mandac Acabtaca: «¡Israelcunata Mandac Diospac shutipimi nini: Ñucaca paitami servini! ¡Cai huatacunaca mana tamyangachu paramollapish mana tiyangachu! ¡Ashtahuanpish ñuca mandacllapimi tamyanga!» nirca.

SAN JUAN 8:59

Shina nicpimi, paicunaca rumihuan shitangapac rumicunata japircacuna. Ashtahuanpish Jesusca miticushpami, Diosta mañana huasimanta llucshishpa rirca.

JEREMÍAS 36:26

Ashtahuanpish jatun mandacca Hamelecpac churi Jerameelta, Azrielpac churi Seraiasta, Abdeelpac churi Selemiastami quillcac Baructa, Dios ima nishcata huillac Jeremiasta prezuchun cacharca. Shina prezungapac ricpipish, Mandac Diosmi paicunataca pacarca.

SALMOS 91:1

Maijanpish jahua pachapi causac Diospi miticucca tucuita ruhuac Dios cuidashcami causan.

SALMOS 31:20

Gentecuna yuyarinacushpa llaquichinamantaca cambac ñaupapi churashpami huacangui. Camishpa llaquichinamantaca cambaclla canhuan tupana huasipimi huacaichingui.

SALMOS 10:2

Millaita ruhuaccunaca jatun tucushpami huacchataca catinta llaquichin. ¡Shina cashpapish huacchacuna urmachun, paicuna churashcallapitacmi urmanga!

1 REYES 18:15

Shina nicpimi Eliasca: —¡Tucuita Mandac Diospac shutipimi nini: Ñucaca paitami servini. Cunanmi Acabpac ñaupapi ricurigrini!— nirca.

1 REYES 17:12

Chashna nicpimi, chai huarmica: —¡Canta Mandac Diospac shutipimi nini: Cusashca tandataca mana charinichu! ¡Maqui junda harinallatacmi puñupi charini! Aceitetapish ashallatami pomapi charini. Cunanca, ishcailla yantatami ñuca cari huahuahuan tandata ruhuashpa micungapac murucuni. Caita micushpaca huañushunllami— nirca.

1 REYES 17:9

«Jatari, Sidón llactapi cac Sarepta pueblopi causagri. Riqui, chaipi causac shuc viuda huarmitami canman micunata carachun mandarcani» nirca.

1 REYES 17:5

Eliasca Mandac Dios mandashca shinallatacmi Jordán yacu chimba ladopi cac Querit yacu huaicupi causagrirca.

1 REYES 2:24

Mandac Diospac shutipimi nini: Paimi ñuca taita David mandashpa tiyarinapi pi mana cuyuchipacta ruhuashpa churarca. Pai nishca shinallatacmi ñuca huahua huahuacunapish, mandashpa causanga. Cunan Mandac Dios ricucucpimi, Adoniasca huañunga» nirca.

1 REYES 1:29

Chaipimi jatun mandac Davidca: —¡Mandac Diospac shutipimi nini!: Tucui llaquimanta ñuca almata quishpichishcami.

1 SAMUEL 29:6

Shina nicpimi, Aquisca Davidta cayashpaca: —¡Mandac Diospac shutipimi nini: Canca cashcata ruhuacmi cangui! Maiman rishpapish, cutimushpapish allita ruhuashpami ñuca carpa huasipica causacungui. Ñucapacman shamushca punzhamanta pacha, cunancaman ima mana allita ruhuactapish cantaca mana ricushcanichu. Ashtahuanpish caishuc mandaccunapac ñaupapimi mana alli ricuringui.

1 REYES 18:9

Shina nicpimi Abdiasca: —Canta servic ñucata Acab huañuchichun, paipac maqui churachunca ¿Ñucaca ima juchatatac ruhuashcaniyari?

1 REYES 18:11

¿Chashna cacpichu cunanca: “Cambac amopacman rishpa: ‘Eliasca caipimi’ nigri” ningui?

1 REYES 22:14

Shina nicpipish Micaiasca: —¡Mandac Diospac shutipimi nini: Ñucaca pai ima nishcatami huillasha!— nirca.

JEREMÍAS 36:19

Shina nicpimi, mandaccunaca Baructaca: —Cancuna maipi cashcata pi ama yachachun, canpish, Jeremiaspish miticugrichic— nirca.

1 SAMUEL 23:23

Alli alli ricushpa maipi miticuctapish allita yachashpa ñucaman huillac shamunguichic. Chashna huillacpica, cancunahuan rishallami. Chai llactapi cacpica, Judá llactapi causacuc huaranga huaranga gentecunapimi mashcasha— nirca.