1 REYES 17:9 - Dios Rimashcata Quillcashcami

⁹ «Jatari, Sidón llactapi cac Sarepta pueblopi causagri. Riqui, chaipi causac shuc viuda huarmitami canman micunata carachun mandarcani» nirca.

1 REYES 17:9 Referans Kwoze

SAN LUCAS 4:26

Chashna Israelpi achca viuda huarmicuna tiyacpipish, Diosca mana Eliasta ayudachun cacharcachu, ashtahuanpish Sidón pueblo cuchullapi tiyac Sarepta pueblopi causac viuda huarmipacllamanmi cacharca.

ABDÍAS 1:20

Prezumanta cutimuc Israel soldadocunaca cananeocunapac llactamantaca Sarepta llactacamanmi japinga. Jerusalenmanta prezu rishpa, Sefarad llactapi causaccunaca Neguev pambapi tiyac llactacunatami japinga.

2 CORINTIOS 4:7

Ashtahuanpish cai mai valishca alli huillaitaca, allpamanta ruhuashca manga shina, ñucanchic cuerpopimi charinchic. Chaica mana ñucanchic imata ruhuaipac cashcata, ashtahuanpish Diosllatac imatapish ruhuaclla cashcatami ricuchin.

1 REYES 17:4

Chaipica, chai huaicumanta yacuta ubiangui. Shinallatac cuervo animalcunatami chaipi micunata canman carachun mandarcani» nirca.

JUECES 7:4

Ashtahuanpish Mandac Diosca Gedeontaca: «Chairac achca gentecunami. Chaimanta yacu ladoman gentecunata apai. Chaipimi ñucaca imata ruhuanata ricuchisha. Chaipica: “Caimi canhuan ringa” nicpica, paica canhuan ringami. Ashtahuanpish: “Caica mana canhuan ringachu” nicpica, paica mana canhuan ringachu» nirca.

JUECES 7:2

Chaipimi Mandac Diosca Gedeontaca: «Madianitacunata cambac maquipi churangapacca canhuanca yallimana gentecunami. Chashna israelcunaca achca cashpaca: “Ñucanchic alli sinchi cashpami macanacuita mishashcanchic” nishpa, ñucata piñachingacunami.

1 REYES 17:8

Shina cacpimi Mandac Dios Eliasta rimashpaca:

1 REYES 17:11

Chai huarmi ña yacuta apamungapac ricpimi, Elías cutin cayashpaca: —Ñuca micungapac asha tandata apamushpa convidai— nirca.

1 REYES 19:6

Shina nicpi, Elías jatarishpa ricucpica, paipac uma ladopimi cusashca shuc tortillata, shinallatac shuc mangapi yacu tiyacucta ricurca. Chaita micushpa, ubiashpaca cutinmi sueñungapac siririrca.