1 REYES 17:18 - Dios Rimashcata Quillcashcami

¹⁸ Chaimantami chai huarmica Eliastaca: —Diospac runa cantaca ¿Ima mana allitatac ruhuashcaniyari? ¿Ñuca juchacunata yuyachishpa, ñuca cari huahuata huañuchingapacchu ñucapacman shamurcangui?— nirca.

1 REYES 17:18 Referans Kwoze

SAN LUCAS 5:8

Simón Pedro, chaita ricushpa, Jesuspac ñaupapi cungurishpaca: —Apunchic Jesús, ñucaca juchasapami cani. Chaimanta ñucamanta anchurilla— nirca.

SAN LUCAS 4:34

caparishpaca: —Nazaret pueblomanta Jesús, ¿canca imatatac ñucanchictaca nic shamungui? ¿Llaquichingapacchu shamungui? ¡Ñucanchictaca saquilla! Ñucaca canta ricsinimi. Canca Dios cachashca Jucha Illacmi cangui— nirca.

2 REYES 3:13

Chaipimi Eliseoca Israel llactata jatun mandactaca: —¿Ñucaca canhuanca imatatac ricuna charini? ¡Cambac taita mamapac huillaccunapacman rilla!— nirca. Shina nicpipish, Israel llactata jatun mandacca: —Mana rishachu. Mandac Diosmi cai quimsa jatun mandaccunataca moabitacunapac maquipi churangapac tandachishca— nirca.

SAN JUAN 2:4

Shina nicpimi Jesusca: —Mamita, ¿ima nishpatac chashna ningui? Ñuca pi cashcata ricsichina horasca manarac chayamunchu— nirca.

2 SAMUEL 16:10

Shina nicpimi, jatun mandacca: —Sarviapac huahuacunalla, ¿Caicunataca ñucaca ima ricunatatac charini? Mandac Diosllatac: “Davidta maldiciai” nishca cacpica, ¿pitac paicunataca “mana allitami ruhuacungui” ninga?— nirca.

SAN LUCAS 8:28

Chai runa Jesusta ricushpa, paipac ñaupapi cungurishpaca: —Jahua pacha Diospac Churi Jesús, ¿imatatac nic shamungui? ¡Ñucataca ama llaquichichu!— nishpa caparirca.

MARCOS 6:16

Chaita Herodes uyashpaca: —Chai runaca Juanmi canga. Paitaca ñucami cungata pitishpa, huañuchichun mandarcani. Paimi huañushcacunapuramanta causarishca canga— nirca.

MARCOS 5:7

Cungurishpa, caparishpaca: —Jahua pacha Diospac Churi Jesús ¿imatatac nic shamunguiyari? ¡Diosmantami mañani, ñucata ama llaquichichu!— nirca.

JOB 13:26

¿Ima nishpatac nanachic llaquicunata ñucaman cunguiyari? ¿Ima nishpatac huambrarac cashpa, juchata ruhuashcamanta ñucata llaquichingui?

JOB 13:23

¿Mashna cutinta mana allita, shinallatac juchata ruhuashcani? Mashna cutin pandarishcata ricuchiyari.

2 CRÓNICAS 35:21

Necao huillaccunata cachashpaca: «Judá llactata mandaclla, ñucaca imata canhuanca mana charinichu. Canhuan macanacungapacca mana shamushcanichu, ashtahuanpish ñucata piñaccunahuanmi macanacungapac shamuni. Mandac Diosllatacmi ñucataca utca ri nirca. Shina cashcamanta Dios mandashcata ama jarcaichu. Paica ñucahuanmi, pacta canta llaquichinman» nichun cacharca.

1 REYES 18:9

Shina nicpimi Abdiasca: —Canta servic ñucata Acab huañuchichun, paipac maqui churachunca ¿Ñucaca ima juchatatac ruhuashcaniyari?

1 REYES 13:1

Jeroboam inciensota rupachingapac altar cuchupi shayacucpimi, Mandac Dios mandashcamanta Dios ima nishcata huillac shuc runa Judá llactamanta Bet-el puebloman chayarca.

2 SAMUEL 19:22

Shina nicpimi Davidca: —Sarviapac huahualla, ¿ima nishpatac ñucataca piñanacuipi churashun ninguichicyari? ¿Cancunataca imatatac ruhuashcaniyari? Israelcunata jatun mandacmi cani. Israelpuramantaca shucllapish mana huañungachu— nirca.

1 SAMUEL 16:4

Samuelca Mandac Dios mandashca shinami ruhuarca. Belén puebloman pai ña chayacpica, chai pueblopi causac pushac yuyaccunaca manchaihuanmi tupangapac llucshirca. Chashna llucshishpaca: —¿Canca cushi causaita huillangapacchu shamurcangui?— nishpa tapurca.

GÉNESIS 50:17

“Cambac huauquicuna canta llaquichishpa juchallishcataca perdonachun” ningui. Cantaca llaquichircatacmi. Cunanca, cambac taitapac Diosta serviccuna mana allita ruhuashcata perdonai ningui— nirca. Chashna nicpica, Joseca huacarcami.

GÉNESIS 50:15

Josepac huauquicunaca paicunapac taita huañucpica: —Joseca, ñucanchic tucui mana allita ruhuashpa, paita llaquichishcamantaca ñucanchictapish llaquichingami —ninacurcami.

SAN MATEO 8:29

Paicuna Jesuspacman chayashpaca: —Diospac Churi Jesús, ¿imatatac nic shamungui? ¿Canca manarac llaquichina punzha chayamucpichu llaquichi shamungui?— nishpa caparirca.

NÚMEROS 5:15

huarmita curapacman apashpami, ishcai kilo cebada ofrendata cuna can. Celanacushcamanta cushca cashcamantami chai ofrendapica aceitetapish, inciensotapish mana churana can. Chai cushcaca juchallishcata mana juchallishcata ricuchingapacmi ñucaman cushca can.

1 REYES 12:22

Ashtahuanpish Mandac Diosca paipaclla cac Semaiasta rimashpaca:

1 REYES 17:17

Ña unaita causacucpimi, chai huasiyuc huarmipac cari huahuaca ungushpa anchayarca. Chashna anchayashpami huañurca.

1 REYES 17:19

Shina nicpimi Eliasca: —Cambac cari huahuata caiman apamui— nirca. Shina nicpi, chai huahuata apamucpimi Eliasca huahuata japishpa, paipac ucuman apashpa cama jahuapi sirichirca.

1 REYES 20:28

Chai shina cacpimi, Dios ima nishcata huillac runa Israel llactata jatun mandacpacman shamushpaca: —Mandac Diosca: “Siriocunaca, ñucataca Mandac Diosca urcucunapi causaccunapac Diosmi, pugru pambacunapi causaccunapac Diosca mana canchu nishcacunami. Ñucaca cai tucui gentecunatami, cambac maquipi churagrini. Chashna ruhuacpimi ñucataca Mandac Dios cashcata yachangui” ninmi— nirca.

GÉNESIS 44:16

Shina nicpimi Judaca: —Ñucanchic canta serviccunaca, Diospac ñaupapica mana allitami ruhuashcanchic. Ñucanchic mandaclla, ¿imatatac nishun? ¿Ima shinatac ñucanchicca mana juchayucchu canchic nishunyari? Riqui, ñucanchic mandaclla, canta serviccunami canchic. Ñucanchicpish, vasota apacpish canta serviccunami canchic— nirca.

JUECES 13:6

Shina nicta uyashpami chai huarmi cusapacman rishpaca: «Diosmantami shuc runa ñucapacman shamurca. Pai Diospac ángel shina cacpimi manchashpa maimanta cashcatapish mana tapurcani. Paipish shutitaca mana huillarcachu.

2 REYES 1:9

Chai quipami Ocoziasca pichca chunga soldadocunata paicunata mandac-huan Eliaspacman cacharca. Paicuna chayacpica, Eliasca urcu jahuapimi tiyacushca carca. Chaipimi soldadocunata mandacca: —Diospac runalla, jatun mandacca: “Canta urai shamuchun” ninmi— nirca.