1 REYES 17:10 - Dios Rimashcata Quillcashcami

¹⁰ Shina nicpimi, paica jatarishpa, Sarepta puebloman rirca. Chai pueblo punguman chayashpaca, shuc viuda huarmi yantata murucuctami ricurca. Elías chai viuda huarmita cayashpaca: —Ñuca ubiangapac asha yacuta vasopi convidai— nirca.

1 REYES 17:10 Referans Kwoze

SAN JUAN 4:7

Chaimanmi Samaria llactamanta huarmi yacuta apangapac chayarca. Chaipimi Jesusca: —Ashalla yacuta carai— nirca.

GÉNESIS 24:17

Chaipimi servicca callpashpa rishpaca: —Cambac puñumanta asha yacuta ubiangapac convidai— nishpa mañarca.

HEBREOS 11:37

Cutin shuccunaca rumihuan shitashpa huañuchishcapish, shuccunaca serruchuhuan pitishpa huañuchishcapish, espadahuan huañuchishcapish carcami. Oveja cara, chivo cara churarishcami huacchayashpa, caiman chaiman manchaihuan llaquilla puricurcalla.

2 CORINTIOS 11:27

Quiquin maquihuanmi shaicucta trabajarcani. Tauca cutinmi mana sueñushpa pacarircani. Yarcaihuanpish, yacunayaihuanpish carcanimi. Tauca cutinmi mana micurcani. Chirimantapish, churana illaimantapish llaquitami aparcani.

GÉNESIS 21:15

Puru yacuca tucuricpica, paipac huahuataca shuc yura cuchupimi tiyachishpa saquirca.

1 REYES 17:11

Chai huarmi ña yacuta apamungapac ricpimi, Elías cutin cayashpaca: —Ñuca micungapac asha tandata apamushpa convidai— nirca.