1 REYES 16:10 - Dios Rimashcata Quillcashcami

¹⁰ Chashna machashca tiyacucpimi, Zimrica chaiman chayashpa, Elata macashpa huañuchishpa, paipac randi mandai callarirca. Judá llactata jatun mandac Asaca ñami ishcai chunga canchis huatata mandacurca.

1 REYES 16:10 Referans Kwoze

2 REYES 9:31

Chashna chapacushpami, Jehú pueblo punguta yaicucucpica: —¿Canta mandacta huañuchic Zimrica allillachu?— nirca.

1 REYES 16:9

Carretacunapi puric chaupi soldadocunata mandac paita servic Zimrimi huañuchingapac shuccunahuan pacalla parlanacurca. Elaca Tirsa pueblopimi paipac mayordomo Arsapac huasipi ubiashpa, machashpa tiyacurca.

1 REYES 16:11

Mandangapac tiyarinapi Zimri tiyarishpaca, Baasapac tucui huasi familiatapish, ricsishcacunatapish shucllatapish mana saquishpami paipac huasi ucupuratapish, tucui huañuchirca.

1 REYES 15:27

Isacar aillupuramanta Ahiaspac churi Baasami Nadabta huañuchingapac shuccunahuan pacalla parlanacurca. Shina parlashpami, filisteocunapac Gibetón pueblopi macashpa huañuchirca. Nadabca tucui israelcunandimi, Gibetón pueblota japingapac ña chaupipi churashca carca.

1 REYES 16:15

Judá llactata jatun mandac Asa ishcai chunga canchis huatata mandacucpimi, Zimrica mandai callarirca. Paica canchis punzhallatacmi Tirsa pueblopi mandarca. Israelcunaca filisteocunapac llacta Gibetón pueblopi causaccunahuan macanacungapacmi carpa huasicunata shayachishpa chapacurcacuna.

2 REYES 15:10

Zacariastaca Jabespac churi Salummi pacalla parlanacushpa, tucui gentecunapac ñaupapi chugrichishpa huañuchirca. Chashna huañuchishpami, paipac randi mandarca.