1 REYES 15:11 - Dios Rimashcata Quillcashcami

¹¹ Asaca paipac ñaupa taita David shinallatacmi, Mandac Diospac ñaupapi allita ruhuashpa causarca.

1 REYES 15:11 Referans Kwoze

2 CRÓNICAS 14:2

Asaca paita Mandac Diospac ñaupapica imapipish mana pandarishpami allita causarca.

2 CRÓNICAS 15:17

Tucuita chashna ruhuashpapish, paipac tucui causaipi Diosta tucui shunguhuan cazushpa causashpapish, Israel llacta lomacunapi cac altartaca mana anchuchircachu.

2 CRÓNICAS 14:11

Asa paita Mandac Diosta caparishpa mañashpaca: «¡Mandac Dioslla, jatun poderta charicta, mana fuerzata charicta ayudacca shuctac can shinaca mana tiyanchu! Ñucanchicta Mandac Dioslla, ñucanchicta ayudaiyari. Canllapimi shunguta churanchic. Cai soldadocunahuan macanacungapacca cambac shutipimi rinchic. ¡Mandac Dioslla, canmi ñucanchic Mandac Dios cangui! Runacuna canta mishanataca mana pudinchu» nirca.

1 REYES 15:3

Abiamca pai manarac tiyacpi, paipac taita juchata ruhuashpa causashca shinallatacmi, juchata ruhuashpa causarca. Paica mana paipac ñaupa taita David shina, paita Mandac Diostaca tucui shunguhuan cazurcachu.

1 REYES 15:12

Paica allitami ruhuacunchic nishpa huaclliric caricunataca tucuitami chai llactamanta anchuchirca. Paipac ñaupa taitacuna ruhuashca yanga dioscunatapish tucuimi chingachirca.

1 REYES 3:3

Salomonca Mandac Diosta cuyarcami, paipac taita David yachachishcatapish cazushpami causarca. Shina cashpapish, lomacunapi tiyac altarcunapimi animalcunata Diosman cushpa huañuchic carca, shinallatac inciensotapish cushnichic carca.

1 REYES 22:43

Paica, paipac taita Asa shinallatacmi Mandac Diosmanta mana anchurishpa, imatapish cashcata ruhuashpa, Diospac ñaupapi causarca. Shina cashpapish, lomacunapi tiyac altarcunataca mana anchuchircachu. Shina cacpimi, gentecunaca animalcunata huañuchishpa, inciensota rupachishpa catircacuna.

2 REYES 12:3

Shina cashpapish, lomacunapi tiyac altarcunataca mana anchuchircachu. Gentecunaca chai altarcunapimi animalcunata cushpa huañuchishpa, inciensota cushnichishpa catirca.

2 REYES 14:3

Amasiasca Mandac Diospac ñaupapica allitami ruhuashpa causarca. Shina cashpapish mana paipac ñaupa taita David shina ruhuashpami paipac taita Joás ruhuashca shinallatac tucuita ruhuarca.

2 REYES 15:3

Azariasca Mandac Diospac ñaupapica, paipac taita Amasías shinallatacmi allita ruhuashpa causarca.

2 REYES 18:3

Ezequiasca Mandac Diospac ñaupapica paipac ñaupa taita David shinallatacmi allita ruhuashpa causarca.

2 REYES 22:2

Mandac Diospac ñaupapica allita ruhuashpami causarca. Paipac ñaupa taita David causashca shinallatacmi alli ladomanpish, lluqui ladomanpish mana ladoyashpa allita causarca.

2 CRÓNICAS 14:1

Abías huañushpa paipac ñaupa taitacunahuan tandanacugricpica, Davidpac pueblopimi enterrarca. Paipac randica paipac churi Asami mandai callarirca. Chai llactapi causaccunaca pai alli mandacpimi chunga huatata sumacta causarcacuna.

2 CRÓNICAS 20:32

Paipac taita Asa causashca shinallatacmi chai ñanmanta mana anchurishpa, Mandac Diospac ñaupapica allita ruhuashpa causarca.