1 REYES 14:6 - Dios Rimashcata Quillcashcami

⁶ Ahiasca paipac huasi punguta chai huarmi tulun tulun shamucta uyashpaca: «Jeroboampac huarmi, yaicumuilla. ¿Ima nishpatac shuctac huarmi tucushpa shamunguiyari? Ñucaca mana alli huillaita huillachun cachashcami shamuni.

1 REYES 14:6 Referans Kwoze

HEBREOS 4:13

Tucui Dios ruhuashcacunami paipac ñaupamanta mana pacalla can. Imapish paipac ñaupapica mana pacashcachu. Paimanmi ñucanchicca tucui imatapish huillana canchic.

MARCOS 14:21

Runa Tucungapac shamushca ñucataca, Dios quillcachishcapi nishca shinallatacmi huañuchinga. Shina cacpipish, ñucata japichic runaca, ¡aij, imachari tucunga! Chai runaca mana huacharishca cashpachari, alli canman carca— nirca.

SALMOS 33:10

Mandac Diosca llactacunapi causaccuna cunashcataca yangapimi churan. Shinallatac gentecuna yuyarinacushcatapish chingachishpami churan.

JOB 5:13

Jatun yachaccunataca paicunapac yachashcallapitacmi urmachin. Millaita ruhuaccunataca paicuna yuyarishcatami pandachin.

1 REYES 22:8

Shina nicpi, Israel llactata jatun mandacca Josafattaca: —Mandac Dios ima nishcata huillac shuc runaca tiyanracmi. Paica Imlapac churi Micaiasmi. Paica allitaca mana huillanchu ashtahuanpish mana allitami huillan. Chaimantami paitaca mana ricunayan— nirca. Shina nicpimi Josafatca: —Jatun mandac, ama chashna nichu— nirca.

1 REYES 20:42

Shina ricsicpimi paica: —Mandac Diosca: “Ñuca huañuchingapac chicanyachishca runata cambac maquimanta cacharishpa cachashcamantaca canmi paipac randi huañungui. Cambac gentecunami paipac gentecunapac randi huañunga” ninmi— nirca.

1 REYES 14:5

Ashtahuanpish Mandac Diosca Ahiastaca: «Uyai, Jeroboampac huarmimi paipac huahua ungushcata ricungapac shamugrin. Paita ama ricsichunca, shuctac churanata churarishcami shamunga» nishca carca.

1 REYES 14:2

Shina tucucpimi, Jeroboamca paipac huarmitaca: «Can ñuca huarmi cacta ama pi ricsichunca shuc churanata churarishpa, Silo pueblopi causac Dios ima nishcata huillac Ahías runapacman ri. Cai llactapi ñuca jatun mandac tucunataca paimi huillarca.

1 SAMUEL 28:18

Canca Mandac Dios rimashcatapish mana cazurcanguichu. Shinallatac amalecitacunahuan Dios nina japiric shina piñarishpa, paicunata tucuchichun nicpipish mana pactachircanguichu. Chaimantami Mandac Diosca cunanca chashna ruhuashca.

1 SAMUEL 15:26

Shina nicpimi, Samuelca Saultaca: —Canhuanca mana cutishachu. Canca Mandac Diospac shimitami yangapi churarcangui. Chaimantami Mandac Diospish cantaca yangapi churashpa, Israel llactata jatun mandac cashcamanta anchuchigrin— nirca.

1 SAMUEL 15:16

Shina nicpimi, Samuelca Saultaca: —¡Ña chailla! Cunan tuta Mandac Dios ima nishcatami canman huillagrini— nirca. Shina nicpimi Saulca: —Huillailla— nirca.

1 REYES 14:7

Jeroboampacman cutishpa, israelcunata Mandac Diosca: “Ñucami cantaca israelcunapac chaupimanta acllashca israelcunata mandachun churarcani.

PROVERBIOS 21:30

Alli yachaipish, ima yuyaipish, ima cunashcapish Mandac Diostaca mana ati pudinchu.