1 REYES 13:9 - Dios Rimashcata Quillcashcami

⁹ Mandac Diosca: “Imatapish ama micunguichu, yacutapish ama ubianguichu. Can rishca ñantapish ama cutinguichu” nishpami mandarca— nirca.

1 REYES 13:9 Referans Kwoze

ROMANOS 16:17

Cuyashca criccuna, cancuna yachacushcamanta shuctaclayata yachachishpa chicanyachiccunamanta cuidaringuichic ninimi. Chashna yachachishpa pandachiccunamanta cuidaringuichic.

SAN JUAN 15:14

Cancuna ñuca mandashcacunata pactachishpaca, ñuca amigocunami canguichic.

SAN JUAN 13:17

Caicunata entendishpa, chaitatac ruhuashpaca, mai cushicuimi canguichic.

SALMOS 141:4

Ñuca shungu mana allicunata yuyarichun ama saquichu. Millaita ruhuaccunahuan tandarishpa millaita ruhuachunpish ama saquichu. Paicunapac jatun mizapi cushicuchunpish ama saquichu.

JOB 23:12

Paipac shimihuan mandashcamantaca mana anchurircanichu. Paipac rimashca shimicunataca micunata yallimi huacaichishpa causarcani.

1 REYES 13:1

Jeroboam inciensota rupachingapac altar cuchupi shayacucpimi, Mandac Dios mandashcamanta Dios ima nishcata huillac shuc runa Judá llactamanta Bet-el puebloman chayarca.

1 SAMUEL 15:22

Shina nicpimi Samuelca: —Mandac Diosca, ¿paiman cushpa, tucui rupachicpi, paiman animalcunata cushpa huañuchicpichu cushicunga? Ashtahuanpish pai mandashcata cazunami Diosman animalta huañuchinatapish ashtahuan yalli alli can. Shinallatac ovejacunapac huirata cunapac randica pai nishcata uyanami ashtahuan alli can.

NÚMEROS 16:26

Moisés chayashpa, chaipi cac tucui israelcunataca: —¡Diosta mana manchac gentecunapac chaupimanta anchurichic! Paicunapac ima tiyashcata ama japinguichicchu. Pacta paicunapac juchamanta cancunapish llaquichishca canguichicman— nirca.

APOCALIPSIS 18:4

Cutinllatac jahua pachamanta shuc rimashca uyarishpaca: «¡Ñuca acllashca huahuacunalla! Paicunahuan pacta mana llaquichishca cangapac, paicuna shina mana juchata ruhuangapacca, chai pueblota shitashpa llucshichic.

EFESIOS 5:11

Amsapi causac, mana allita ruhuaccuna shina yangallaca ama causaichicchu. Chaipac randica chashna ruhuaccunataca “mana allichu” nishpa rimashpami, achicman llucchina canguichic.

1 CORINTIOS 5:11

Ashtahuanpish chashna nishpaca, cric cashca jahua huaclliriccunahuan, imatapish charinallata munaccunahuan, imapish tucushca canman niccunahuan, ruhuashcalla dioscunata adoraccunahuan, llullaccunahuan, machaccunahuan, shuhuaccunahuan amatac tandaringuichicchu nisha nircanimi. Chashna gentecunahuanca micungapacllapish ama tiyaringuichicchu ninimi.

1 REYES 13:8

Ashtahuanpish Diospaclla runaca jatun mandactaca: —Cambac charishcamanta chaupita cusha nicucpipish, cambac huasimanca mana rishachu. Cai llactapica micunatapish mana micushachu, yacutapish mana ubiashachu.

1 REYES 13:10

Shina nishpami, Bet-el puebloman rishca ñantaca mana cutishpa shucta ñanta cutirca.

1 REYES 13:16

Ashtahuanpish chai runaca: —Mana canhuan ri pudinichu, cambac huasi yaicunatapish mana pudinichu. Cai llactapica canhuanca mana micushachu, yacutapish mana ubiashachu.

1 REYES 13:19

Shina nicpimi, paihuan cutimushpa, paipac huasipi micurca, yacutapish ubiarca.