1 REYES 12:21 - Dios Rimashcata Quillcashcami

²¹ Roboam Jerusalenman shamushpaca, israelcunahuan macanacungapacmi, Judapac tucui aillumantapish, Benjamín aillumantapish macanacunata alli yachac patsac pusac chunga huaranga soldadocunata tandachirca. Salomonpac churi Roboamca pai mandashca llactata cutin paipacman tigrachingapacmi chashna ruhuarca.

1 REYES 12:21 Referans Kwoze

2 CRÓNICAS 14:11

Asa paita Mandac Diosta caparishpa mañashpaca: «¡Mandac Dioslla, jatun poderta charicta, mana fuerzata charicta ayudacca shuctac can shinaca mana tiyanchu! Ñucanchicta Mandac Dioslla, ñucanchicta ayudaiyari. Canllapimi shunguta churanchic. Cai soldadocunahuan macanacungapacca cambac shutipimi rinchic. ¡Mandac Dioslla, canmi ñucanchic Mandac Dios cangui! Runacuna canta mishanataca mana pudinchu» nirca.

2 CRÓNICAS 14:8

Asaca escudocunata, lanzacunata apashpa puric Judapac soldadocunataca quimsa patsac huarangatami charirca. Benjaminpac soldadocunataca ishcai patsac pusac chunga huarangatami charirca. Paicunaca escudotapish apac, flechatapish cacharinata yachacmi carcacuna. Tucui paicunami macanacunata alli yachac sinchi runacuna carca.

1 CRÓNICAS 21:5

Tucui Israel llactapi espadahuan macanacuccunaca shuc junu patsac huaranga runacunami tiyashca carca. Judá llactapi espadahuan macanacuccunaca chuscu patsac canchis chunga huaranga runacunami tiyashca carca.

1 REYES 11:32

Paica shuc aillullatami mandanga. Ñucata servic Davidtapish, Jerusalentapish, llaquishcamantami chaita mandachun saquisha. Chai pueblotaca tucui Israel aillupuramantami acllarcani.

1 REYES 14:30

Roboamca Jeroboamhuanmi tucui causaipi macanacushpalla causarca.