1 REYES 11:4 - Dios Rimashcata Quillcashcami

⁴ Salomón ña yuyac cacpimi, chai huarmicunaca shuctac dioscunata catichun paipac shunguta pandachirca. Paipac taita David tucui shunguhuan paita Mandac Diosta cazushca shinaca mana cazurcachu.

1 REYES 11:4 Referans Kwoze

1 REYES 9:4

Cambac taita David causashca shinallatac alli causangui. Tucui shunguhuan ñucata cazushpa, tucuipac allita ruhuashpa, ñuca mandashcacunata pactachishpa, ñuca quillcachishcacunata, imata ruhuachun nishcacunata pactachishpa causangui.

1 REYES 8:61

Cancunapac shunguca ñucanchicta Mandac Dios-huan alli cachun. Pai mandashcacunata, quillcashca shimicunata cunan punzhacaman pactachishca shinallatac pactachinguichic» nirca.

1 CRÓNICAS 28:9

Salomón ñuca huahualla, cambac taitapac Diostaca ricsiyari. Paitaca alli shunguhuan, tucui munaihuan servishpa causaiyari. Mandac Diosca tucuipac shungutami ricucun. Imata ruhuanata yuyaricushcatapish tucuitami yachan. Can paita mashcashpaca taringuimi, ashtahuanpish paita can cungaricpica, paipish cantaca huiñaita cungaringa.

1 REYES 11:6

Shinami Salomonca Mandac Diospac ñaupapica mana allita ruhuarca. Paipac taita David Mandac Diosta catishca shinaca mana catircachu.

2 CRÓNICAS 34:2

Paica ñaupa taita David shinallatacmi Mandac Diospac ñaupapica alli ladomanpish lluqui ladomanpish, mana ladoyashpa allita ruhuashpa causarca.

2 CRÓNICAS 17:3

Pai mandai callarishpaca, ñaupa taita David causashca shinallatacmi allita ruhuashpa causarca. Baal dioscunataca mana catircachu. Chaimantami Mandac Diosca Josafathuan carca.

1 REYES 11:2

Mandac Diosca israelcunataca: «Paicunahuanca ama cazaranguichicchu, paicunapish cancunahuanca mana cazaranachu can. Paicunahuan cazaracpica, paicunapac dioscunata catichun pandachingami» nishpami mandashca carca. Ashtahuanpish Salomonca chai huarmicunallatacmi cuyashpa, paipac huarmicuna cachun japirca.

DEUTERONOMIO 17:17

Chai mandacca paipac shungupi mana pandaringapacca, mana achca huarmita charinachu can. Mana shungupi achca curita, cullquita charinata munanachu can.

2 CRÓNICAS 25:2

Amasiasca mana tucui shunguhuan ruhuacushpapish Mandac Diospac ñaupapica allitami causarca.

1 CRÓNICAS 29:19

Shinallatac ñuca churi Salomón ima pandata ama ruhuachun alli yuyaita cungui. Shina cucpimi can mandashcacunata, ima shina causanata yachachishcacunatapish, quillcashcacunatapish pactachishpa, ña allichishca cambac huasitapish shayachinga» nirca.

2 REYES 20:3

«Mandac Dioslla, cantami mañani. Cambac ñaupapi mana llullashpa, tucui shunguhuan canta cazushpa causashcataca yuyariyari» nirca. Shina nishpami Ezequiasca yallita cuillata huacarca.

1 REYES 15:14

Ashtahuanpish lomapi tiyac altarcunataca mana anchuchircachu. Shina cashpapish, Asapac shunguca tucui causaipimi Mandac Dios-huan alli carca.

1 REYES 15:3

Abiamca pai manarac tiyacpi, paipac taita juchata ruhuashpa causashca shinallatacmi, juchata ruhuashpa causarca. Paica mana paipac ñaupa taita David shina, paita Mandac Diostaca tucui shunguhuan cazurcachu.

1 REYES 14:21

Judá llactataca Salomonpac churi Roboammi mandarca. Roboamca chuscu chunga shuc huatata charishpami mandai callarirca. Paica chunga canchis huatatami Jerusalenpi mandarca. Chai pueblotaca Mandac Diosmi tucui aillupuramantaca paipac shutita chaipi churangapac acllarca. Roboampac mamaca amonitapuramanta Naamami carca.

1 REYES 11:42

Salomonca Israel llactataca chuscu chunga huatatami Jerusalenpi mandarca.

1 REYES 11:38

Canpish ñucata servic David shinallatac ñuca tucui nishcacunata uyashpa, ñuca mandashcacunata cazushpa, ñuca ñaupapi allita ruhuashpa causacpica, ñucaca canhuanmi casha. Israel llactata mandanataca Davidpac huahua huahuacunaman cushca shinallatacmi can mandachun cusha. Cambac huahua huahuacuna huasha huasha mandanamantaca manatac anchuchishachu.

1 REYES 9:10

Ishcai chunga huatapimi Salomonca Mandac Diospac huasitapish, mandashpa tiyana huasitapish ruhuashpa tucuchirca.

1 REYES 6:1

Israelcunata Salomón chuscu huatata mandacui huatami israelcuna Egipto llactamanta llucshimushcaca chuscu patsac pusac chunga huata tucurca. Chai huatapac Zif shuti quillapimi Mandac Diospac huasita shayachinata callarirca.

DEUTERONOMIO 7:4

Cancunapac churicunaca ñucata catinata saquishpami shuctac dioscunata servi callaringa. Chashna cacpica, Mandac Dios cancunahuan nina japiric shina piñarishpami utca tucuchinga.

1 REYES 3:3

Salomonca Mandac Diosta cuyarcami, paipac taita David yachachishcatapish cazushpami causarca. Shina cashpapish, lomacunapi tiyac altarcunapimi animalcunata Diosman cushpa huañuchic carca, shinallatac inciensotapish cushnichic carca.

1 REYES 11:9

Israelcunata Mandac Diosmantami Salomonpac shunguca anchurishca carca. Chaimantami Mandac Diosca paitaca piñarca. Diosca ishcai cutin paiman ricurishpami,

ÉXODO 20:3

Ñuca ñaupapica ama shuctac dioscunata charinguichu.

1 REYES 11:33

Ñucata saquishpami, Sidón llactapi causaccunapac Astoret huarmi diosta, Moab llactapi causaccunapac Quemos diosta, Amón llactapi causaccunapac Moloc diosta alli nishpa causancuna. Ñucapac ñaupapi allita ruhuashpa, ñuca yachachishcacunata catishpa, causanata mana munashpami chashna causancuna. Salomonca pactachichun ñuca nishca shimicunata, imata ruhuachun ñuca mandashcacunataca paipac taita David cazushca shinaca mana cazunchu.