1 REYES 11:24 - Dios Rimashcata Quillcashcami

²⁴ Rezonca Salomonhuan macanacungapacmi tauca runacunata tandachishpa, paicunata mandac tucurca. Soba llactapi causaccunata David huañuchishpa tucuchicpimi, Rezonca paipac runacunandi Damasco puebloman rishpa, chaipi causarca. Paitaca Damasco pueblopimi jatun mandac cachun churarca.

1 REYES 11:24 Referans Kwoze

2 SAMUEL 10:18

Ashtahuanpish, siriocunaca israelcunata manchashpami, miticushpa callparca. Chaipimi, Davidca carretapi ric canchis patsac soldadocunata, caballopi ric chuscu chunga huaranga soldadocunata huañuchirca. Chaillapitacmi Sirio soldadocunata mandac Sobapish chugrichicpi huañurca.

2 SAMUEL 10:8

Amón llacta runacunaca pueblo yaicuna pungupimi macanacungapac allichirirca. Cutin Soba llactamanta, Rehobmanta siriocunaca Maaca, Is-bot llactamanta soldadocunahuanmi shuctac lado pambapi macanacungapac allichirirca.

HECHOS 9:2

Chaica, Damasco pueblo tandanacuna huasicunapi yaicushpa, Jesusta catic caricunatapish, huarmicunatapish Jerusalenman prezu apamungapacmi quillcata mañangapac rirca.

1 REYES 20:34

Chaipimi Ben-adadca: —Ñuca taita, cambac taitamanta quichushca pueblocunataca canmanmi cutichigrini. Samaria pueblopi ñuca taita catuna plazacunata churashca shinallatac, canpish Damasco pueblopi catunacunata churailla— nirca. Shina nicpimi Acabca: —Chaita ruhuasha nishcamantami ñucapish cantaca richun saquigrini— nirca. Chaita pactachingapac paihuan ari nishcamantaca richun saquircallami.

1 REYES 19:15

Shina nicpimi, Mandac Diosca: —Can maita shamushca ñanllatatac cutishpa ri. Damasco pueblo cuchulla shitashca pambaman chayashpaca, Hazael runata Siria llactata jatun mandac cachun aceitehuan cahuingui.

GÉNESIS 14:15

Ña tuta cacpimi, Abrampish, paipac serviccunapish cungailla japishpa macarca. Cashna macashpami, Damascomanta jahuaman saquiric Hoba llactacaman catirca.

1 REYES 11:25

Rezonca Salomonpac tucui causaipimi israelcunata piñac carca. Chashnami Rezonpish, Hadadpish israelcunataca llaquichirca. Chashna ruhuashcaca ashtahuanmi llaqui jatarirca.

1 REYES 15:18

Chaimantami Asaca Mandac Diospac huasipipish, mandaccunapac huasipipish alli huacaichishca cullquita japishpa, Siria llactata jatun mandac Ben-hadadman cuchun, paita serviccunaman cushpa cacharca. Ben-hadadca Damasco pueblopimi causarca. Paica Tabrimonpac churimi carca. Tabrimonca Hezionpac churimi carca. Asaca paicunataca:

2 REYES 8:7

Chai quipami Eliseoca Damasco puebloman rirca. Chaipica Siria llactata jatun mandac Ben-hadadmi ungushca carca. Chaimantami jatun mandactaca: «Diospac runami caiman shamushca» nishpa huillarca.

2 REYES 14:28

Jeroboampac shuctac ruhuashcacunapish, imacunallata ruhuashcacunapish, sinchi macanacushcapish, shinallatac Damasco pueblotapish, Hamat pueblotapish Israel llactaman cutichishcapish, Israel llactata jatun mandaccuna imata ruhuashcacunata quillcashcapimi tiyacun.

2 SAMUEL 8:3

Shinallatac Davidca Rehobpac churi jatun mandac Hadad-ezerta atishpami, Soba llactata mandacurca. Chai jatun mandacmi Eufrates yacu cuchulla llactacaman japisha nicurca.

2 SAMUEL 10:6

Amón llactapi causaccunaca David piñashpa, mana ricunayachicushcata yachashpami, Bet-rehob pueblopi, Soba pueblopi causac ishcai chunga huaranga soldadocunata, shinallatac Maaca llactata jatun mandacpac huaranga soldadocunata, Is-tob llactamantaca chunga ishcai huaranga soldadocunata pagashpa pushamurca.