1 REYES 11:2 - Dios Rimashcata Quillcashcami

² Mandac Diosca israelcunataca: «Paicunahuanca ama cazaranguichicchu, paicunapish cancunahuanca mana cazaranachu can. Paicunahuan cazaracpica, paicunapac dioscunata catichun pandachingami» nishpami mandashca carca. Ashtahuanpish Salomonca chai huarmicunallatacmi cuyashpa, paipac huarmicuna cachun japirca.

1 REYES 11:2 Referans Kwoze

ÉXODO 34:16

Cambac churicunahuan paicunapac ushicunata cazarachishpa, paicunapac dioscunata adorana yuyaita cushpa urmachingacunami. Shina tucushpaca, chai dioscunahuan huainayashca shinami tucunga.

1 CORINTIOS 15:33

Ama pandarichicchu. Maijancunaca: «Mana alli gentecunahuan tandarishpami, alli causaitaca saquincuna» ninmi.

ROMANOS 12:9

Mana nic tucushpalla caishuc chaishuc-huan cuyanacuichic. Imapish mana alli ruhuanacunata saquishpa, allita ruhuana yuyailla caichic.

APOCALIPSIS 2:4

Shina cacpipish canpica shuctami mana allita ricuni. Punta cuyaita charishca shinaca, ña mana charinguichu.

ROMANOS 1:32

Chashna causaccunata Dios taripashpa llaquichigricushcata yachashpapish, chaicunallatatac ruhuashpami catincuna. Shinallatac shuccuna chaita ruhuacta ricushpacarin “allimi” nincunami.

MALAQUÍAS 2:11

Judá llactapipish, Israel llactapipish, Jerusalenpipish mana cazushpami, millana juchacunata ruhuarca. Judá llactapi causaccunaca Mandac Dios cuyashca paipaclla huasita yangapi churashpa, mana ricsishca dioscunata mañac huarmicunahuanmi cazararca.

SALMOS 139:21

Mandac Dioslla, ¿manachu canta piñaccunataca piñana cani? ¿Manachu canta mana ricunayachic gentecunataca mana ricunayachina cani?

ESDRAS 9:12

Chaimanta cunanca, cancunapac ushicunata paicunapac churicunahuan, paicunapac ushicunata cancunapac churicunahuan ama cazarachinguichicchu. Cancuna chai llactapi pucushca micunacunata micushpa sinchita causangapac, allpacunatapish cancunapac huahua huahuacunaman tucui causaipi saquingapacca paicunaman alli tucushpa causanata, paicunapac ima allitapish ama ruhuanguichicchu” nircanguimi.

2 CRÓNICAS 21:6

Israel llactata jatun mandac Acabpac huahua huahua mandaccuna shinallatacmi mana allita ruhuarca. Acabpac ushihuan cazarashcamantami, Mandac Diospac ñaupapi mana allita ruhuashpa causarca.

2 CRÓNICAS 19:2

Pai chayacpica, Dios ricuchishcata huillac Hananipac churi Jehumi tupangapac llucshirca. Paica jatun mandac Josafattaca: —Canca Diosta mana manchac runatami ayudangapac rishcangui. Mandac Diosta piñac runahuanmi apanacushcangui. Chaimantami Mandac Diosca canhuan piñarishca.

GÉNESIS 34:3

Chai mosoca Jacobopac ushi Dinata tucui almahuan cuyashpami, pai rimashcacunahuan Dinapac shungupi yaicurca.

GÉNESIS 2:24

Chaimantami carica taita mamata saquishpa, paipac huarmihuan tandarishpa, shuclla tucunga.

ÉXODO 23:31

Cambac llacta linderoca Puca Cuchamanta filisteocunapac cuchacaman, shinallatac shitashca pambamanta Eufrates yacucamanmi canga. Chai llactapi causaccunataca cancunapac maquipimi churasha. Canmi paicunataca llucchishpa cachangui.

ÉXODO 34:12

Can maipi causangapac rigricushca llacta gentecunahuan ama ari ninacunguichu. Chaimanta cuidaringui. Chaica mitcachic shinami urmachinga.

1 REYES 11:9

Israelcunata Mandac Diosmantami Salomonpac shunguca anchurishca carca. Chaimantami Mandac Diosca paitaca piñarca. Diosca ishcai cutin paiman ricurishpami,