1 REYES 11:17 - Dios Rimashcata Quillcashcami

¹⁷ Chaimantami Hadadca paipac taitata servic maijan edomita caricunata pushashpa Egiptoman rishca carca. Hadadca uchillaracmi carca.

1 REYES 11:17 Referans Kwoze

2 REYES 11:2

Jatun mandac Jorampac ushi Ocoziaspac pani Josabaca Ocoziaspac churi Joasta pacalla apashpami pacarca. Joasca jatun mandaccunapac churicunapuramantami carca. Atalía ama ricuchunmi huiñachic mamandi sueñuna ucupi pacarca. Chashnami paitaca mana huañuchirca.

2 SAMUEL 4:4

Saulpac churi Jonatanca chaquicuna lisiado Mefi-boset churitami charirca. Mefi-boset churi pichca huatayuc cacpimi, Saulpish, Jonatanpish huañushcami nishpa Jezreel pueblomanta huillaccuna chayarca. Chaimantami paita huiñachic mamapish Mefi-boset huahuataca marcashpa miticushpa callpacurca. Chashna utcashpa callpacushpami, huahuataca urmachirca.

1 REYES 11:16

Joabca sucta quillatami tucui israelcunandi chaipi cashca carca. Edom llactapi causac tucui caricunata huañuchishpa, tucuchingacamanmi chaipi causashca carca.

1 REYES 11:18

Paicunaca Madián llactamanta llucshishpaca, Parán shitashca pambamanmi chayarca. Chai pambamantami tauca runacunata apashpa, Egiptoman rirca. Egipto llactata jatun mandac Faraonpacman chayacpimi, jatun mandacca huasicunatapish, micunatapish allpacunatapish paicunaman curca.