1 REYES 11:1 - Dios Rimashcata Quillcashcami

¹ Jatun mandac Salomonca Faraonpac ushihuan cazarashca jahuami shuctac llactamanta achca huarmicunata charirca. Chai huarmicunaca: Moabitacuna, amonitacuna, sidoniaspuramanta shinallatac heteopuramanta huarmicunapishmi carca.

1 REYES 11:1 Referans Kwoze

DEUTERONOMIO 17:17

Chai mandacca paipac shungupi mana pandaringapacca, mana achca huarmita charinachu can. Mana shungupi achca curita, cullquita charinata munanachu can.

PROVERBIOS 6:24

Chaicunaca, mana alli huarmimanta jarcangami. Shucpac huarmi mishquilla rimashcamantapish anchuchingami.

PROVERBIOS 7:5

Chai alli yachachishcacunaca shucpac huarmimanta, mana ricsishca huarmi mishquillata rimashpa inquitanamantapish cuidangami.

PROVERBIOS 2:16

Shucpac huarmimanta cacharichingami. Mana ricsishca huarmicuna sumacta rimashpa, inquitacpipish cuidangami.

1 REYES 11:8

Chashnami, caru llactamanta cac tucui paipac huarmicunaman altarcunata shayachirca. Chaipimi chai huarmicunaca paicunapac dioscunaman inciensota cushnichishpa, animalcunata cushpa huañuchic carca.

PROVERBIOS 22:14

Shucpac huarmi rimashcaca yallita ucu jutcu shinami. Mandac Dios piñashca runaca chai huarmihuanmi juchapi urmanga.

1 REYES 3:1

Jatun mandac Salomonca Egipto llactata jatun mandac Faraonpac ushihuan cazarashpami familiapura tucurca. Paica Faraonpac ushi paipac huarmitaca Davidpac pueblomanmi pushamurca. Salomonca pai mandashpa tiyana huasitapish, Mandac Diospac huasitapish, Jerusalén pueblo muyundi pircatapish ruhuangacamanmi chaipi charirca.

PROVERBIOS 23:33

Cambac ñahuipica mana ricurishcacunami ricuringa. Cambac shungupish millai rimaicunatami rimachinga.

LEVÍTICO 18:18

Huarmi manarac huañucpi, paipac ñañahuanca ama chayaringuichu. Shina chayarishpaca piñanacunguichicmi.

ÉXODO 34:16

Cambac churicunahuan paicunapac ushicunata cazarachishpa, paicunapac dioscunata adorana yuyaita cushpa urmachingacunami. Shina tucushpaca, chai dioscunahuan huainayashca shinami tucunga.

1 REYES 16:31

Paica Nabatpac churi Jeroboam shinallatac juchacunata ruhuashpapish, ima juchata mana ruhuanichu nishpami yuyarca. Paica Sidón llactata jatun mandac Etbaalpac ushi Jezabelhuanmi cazararca. Ña cazarashpaca Baal diosta alli nishpa, servishpa causangapacmi rirca.

ESDRAS 10:44

Tucui caicunami shuctac llactamanta huarmicunahuan cazarashca carca. Maijan huarmicunaca ñami huahuacunata charishca carca.

PROVERBIOS 31:3

Cambac fuerzataca ama huarmicunapi tucuchichu. Jatun mandaccunata tucuchic ñanpica ama causanguichu.

1 REYES 14:21

Judá llactataca Salomonpac churi Roboammi mandarca. Roboamca chuscu chunga shuc huatata charishpami mandai callarirca. Paica chunga canchis huatatami Jerusalenpi mandarca. Chai pueblotaca Mandac Diosmi tucui aillupuramantaca paipac shutita chaipi churangapac acllarca. Roboampac mamaca amonitapuramanta Naamami carca.

1 REYES 14:31

Roboam huañushpa, paipac ñaupa taitacunahuan tandanacucpica, paipac taitacunata enterrashca ladollapitacmi Davidpac pueblopi enterrarca. Paipac mamaca amonitapuramanta Naamami carca. Paipac randica paipac churi Abiasmi mandarca.

ESDRAS 9:1

Tucui chaicuna tucushca quipami israelcunata mandaccuna ñucapacman shamushpaca: «Israelcunapish, curacunapish, levitacunapish cai llactapi causac cananeocunamanta, heteocunamanta, ferezeocunamanta, jebuseocunamanta, amonitacunamanta, moabitacunamanta, Egipto runacunamanta, amorreocunamanta mana chicanyarishpami paicuna shinallatac millanayai juchacunata ruhuashpa causacuncuna.

ESDRAS 9:2

Chashna cashpami paicunapish, paicunapac churicunapish, caipi causaccunapac ushicunahuan cazarashca. Chashnami jucha illac gentecunaca shuctac llacta gentecunahuan cazarashpa chapurishcacuna. Israel llactata mandaccunarac, quipa mandaccunaracmi millaita ruhuai callarishca» nishpa huillarca.