Biblia Todo Logo
Bib sou entènèt

- Piblisite -




1 REYES 10:9 - Dios Rimashcata Quillcashcami

9 Canta Mandac Diosca alli nishca cachun. Paica canta alli nishpami, israelcunata mandashpa tiyarinapi churashca. Mandac Diosca israelcunata cuyashpami, cantaca jatun mandac cachun churarca. Tucuipac allita, imatapish cashcata ruhuashpa mandachunmi churarca» nirca.

Gade chapit la Kopi




1 REYES 10:9
23 Referans Kwoze  

Paimi can acllashcacunata cashcata ricushpa mandanga. Huacchacunamanpish allitami ruhuanga.


Hiramca Salomón chashna nishcata uyashpami, yallita cushicushpa: «¡Cunanca, Mandac Diosca alli nishca cachun! ¡Paimi cai tucui jatun llactata mandachunca yuyaita charic churita Davidman cushca!» nirca.


Davidca tucui israelcunatami mandacurca. Paica allita ruhuashpami, imatapish cashcata ruhuashpa mandacurca.


Mandac Diosca: «Ñuca acllashca, ñucata servic runataca ñucami cuidasha. Paimi ñucataca cushichin. Paipimi ñuca Espiritutaca churarcani. Paimi jatun llactacunapica cashcata ruhuanamanta huillanga.


Chaimantami Tiro llactata jatun mandac Hiram Salomonman quillcashpaca: «¡Mandac Diosca pai acllashcacunata cuyashpami, cantaca paicunapac jatun mandac cachun churashca!» nirca.


«Chaicunaca Mandac Diospimi shunguta churac carca. Pai cuyashcami cani niccunami carca. Shina cacpica Mandac Diosllatac quishpichichun. Paillatac llaquimanta llucchichun» nincunami.


Paica ñucata cuyashcamantami jatun pambaman llucchishpa quishpichirca.


Can acllashca israelcunataca cambaclla huiñaita causachunmi churarcangui. Mandac Dioslla, chashna ruhuashpami paicunapac Dios tucurcangui.


Israelcunapac Diosmi rimarca. Israelcunapac sinchi rumi shina Diosca: “Cashcata ruhuashpa, llactata mandacmi tiyanga. Paica Diosta mañashpami allita mandanga.


Jaicapi mana “Shitashca llacta” ningachu. Llactatapish mana “Llaquinayaita shitashca llacta” ningachu. Ashtahuanpish Dios munashcami cangui. Cambac llactapish Dios-huan cazarashca huarmi nishcami cangui. Mandac Diospac cuyaica canhuanmi canga. Llactaca paihuan cazarashca shinami canga.


Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.


Ashtahuanpish Mandac Diosca pai cuyac cashcamanta, cancunapac taitacunahuan ari nishcata mana cungarishcamantami cancuna Egipto llactapi Faraonpac maquipi huatashca shina servicucmanta paipac poderhuan llucchirca.


Shina ruhuacpimi, Davidca Diosllatac israelcunata cuyashpa, paita jatun mandac cachun churashcata, shinallatac tucui imapipish alli pushacushcata yachac chayarca.


Chai piñanacuita jatun mandac allichishcataca tucui israelcunami yacharca. Dios cushca alli yuyaihuan imatapish allichishcata yachac chayashpami Salomontaca tucui mashna cazurcacuna.


Shuc cari huahuami huacharishca. Shuc churitami ñucanchicman cushca. Mandanaca paipac maquipimi. Paipac shutica “Mancharina cunac”, “Imatapish ruhuac Dios”, “Huiñaita causac Taita”, “Cushi causaita cucmi” canga.


Ñuca utca huatacunapi ricurishpaca: “Cantaca jaicapi mana tucuri cuyaihuanmi cuyani. Chaimantami ashtahuan llaquini.


Mandac Dios israelcunataca: «Ñucaca cancunata cuyarcanimi. Chashna cuyacpipish cancunaca: “¿Ima shinatac ñucanchictaca cuyarcangui?” nircanguichicmi. ¿Manachu Esauca Jacobopac huauqui carca? Chashna cacpipish, Jacobollatami cuyarcani. Chaitaca Mandac Dios ñucami nini.


Swiv nou:

Piblisite


Piblisite