1 REYES 10:25 - Dios Rimashcata Quillcashcami

²⁵ Tucui paiman cungapacca curimanta, cullquimanta ruhuashca alaja charinacunata, churarinacunata, macanacunata, mishquilla ashnacuc jambicunata, caballocunatami huatanta apamuccuna carca.

1 REYES 10:25 Referans Kwoze

SAN MATEO 2:11

Paicuna chai huasiman yaicushpaca, huahuatami paipac mama Mariandi ricurca. Chaimantami cungurishpa “allimari cangui” nircacuna. Shinallatac quipita pascashpami, curitapish, inciensotapish, mirratapish curca.

EZEQUIEL 27:14

Bet-togarma llacta gentecunaca yanga caballocunahuan, macanacuna caballocunahuan, mulacunahuanmi randic carca.

ISAÍAS 66:20

Paicunami tucui cancunapac huahuacunataca tucui llactamanta pushamunga. Ñucaman cungapacmi caballocunapi, carretacunapi, tuldushca huandunacunapi, mulacunapi, camellocunapi montachishpa, ñucapaclla Jerusalenpi tiyac urcuman pushamunga. Israelcunaca Mandac Dios ñucaman cungapacmi ofrendata mapa illac imapish charinacunapi ñucapac huasiman apamushpa cuc shina, ñuca ñaupapi churanga.

ISAÍAS 36:16

¡Ama Ezequías nishcata uyanguichicchu! Asiria llactata jatun mandacca: “Alli tucungapac ñucapacman shamuichic. Shina ruhuashpaca, tucui cancunami cancunapac uvas chagramanta, olivos chagramanta micunguichic. Yacutapish tucui cancunami quiquin junducunamanta ubianguichic.

SALMOS 72:15

Jatun mandacca causacungallami. Sabá llactamanta curitami cungacuna. Paimantaca Diosta mañacungallami. Punzhantami paita bendicianga.

SALMOS 72:10

Tarsis llactata jatun mandaccunapish, yacu patapi causac caishuc jatun mandaccunapish, paiman allicunata cungapacmi apamunga. Sabá llacta, Seba llactata jatun mandaccunapish huatantami convidanacunata cungacuna.

JOB 42:11

Chai quipami paipac huauquicunapish, panicunapish, tucui ñaupa ricsishcacunapish paihuan micungapac huasiman shamurcacuna. Mandac Dios paita llaquichishcamantami paicunapish llaquishcata ricuchingapac, cushichingapacpish shamurcacuna. Tucui paicunami cullquitapish, curi sortejascunatapish caishuc chaishuc cungapac apamurcacuna.

ESTER 8:14

Jatun mandac cachacpimi, quillcacunata apaccunaca yallita callpac caballocunapi montashpa, utca rircacuna. Chai mandashcataca mandaccuna tiyana Susa pueblopipish huillarcami.

ESTER 8:10

Chai quillcacunataca jatun mandac Asueropac shutipi quillcashpami, paipac sortejasllahuantac sellashpa quillcata apaccunaman cacharca. Paicunataca jatun mandacpac michina pambacunapi tiyac yallita callpac caballocunapimi cacharca.

ESDRAS 2:66

Paicunapac caballocunaca canchis patsac quimsa chunga suctami carca. Mulacunaca ishcai patsac chuscu chunga pichcami carca.

2 CRÓNICAS 26:8

Amonitacunaca impuestotami Uziasman curcacuna. Uzías yallita jatun cashcataca Egipto llacta linderocamanmi yacharcacuna.

2 CRÓNICAS 9:24

Tucui paicunami paiman cungapacca cullquimanta, curimanta ruhuashca alaja charinacunata, churarinacunata, macanacunata, mishquilla ashnacuc jambinacunata, caballocunata huatanta apamuccuna carca.

2 REYES 17:4

Ashtahuanpish Asiria llactata jatun mandacca Oseas pacalla parlanacuctami yacharca. Oseasca Egipto llactata jatun mandac Somanmi huillaccunata cacharca. Shinallatac Asiria llactata jatun mandacman huatanta impuestota cunatapish mana ashtahuan curcachu. Chaimantami jatun mandacca paita prezushpa carcelpi churarca.

1 REYES 18:5

Paitami mandac Acabca: —Ima animalcuna illaclla ama saquiringapac, yacu llucshina pambacunapi, huaicu yacucunapi quihuata ricumugri. Chaipi caballocunata, mulacunata michingapac— nirca.

1 REYES 10:10

Shina nishca quipami, chai huarmica patsac ishcai chunga talento curita, alaja rumicunata jatun mandacmanca curca. Sabá llactata jatun mandac huarmi, jatun mandac Salomonman, mishquilla ashnacuc jambinata achcata cungapac apamushca shinaca jaicapi pi manarac apamurcachu.

1 REYES 1:33

jatun mandacca: —Cunanca, cancunapac amo ñucata serviccunata tandachishpa, ñuca churi Salomontaca ñuca tiyarina mulapi tiyachishpa, Gihón yacu junduman pushaichic.

2 SAMUEL 8:10

paipac churi Joramta David Hadad-ezerhuan macanacushpa atishcamanta saludashpa alli nichun cacharca. Chaica, Toipish Hadad-ezerhuan macanacushpalla causacushcamantami Davidta saludachun cacharca. Horamca curimanta, cullquimanta, broncemanta ruhuashca ima charinacunata apashpami rirca.

2 SAMUEL 8:2

Shinallatac moabitacunatapish atishpami, pambapi sirichishpa huascahuan medirca. Ishcai huasca jundata medicpica huañuchircami. Shuc huasca jundata medicpica, mana huañuchircachu. Moabitacunaca Davidta servic tucushpami, Davidman impuestota cushpa causarca.

1 SAMUEL 10:27

Ashtahuanpish mana alli shunguyuc runacunaca: «¿Ima shinatac ñucanchictaca llaquimanta llucchinga?» nishpami, yangapi churashpa imata cungapacpish mana apamurca. Ashtahuanpish Saulca mana uyac tucushpa rircallami.

JUECES 3:15

Chashna llaquita causacushpami israelcunaca Mandac Diosta caparishpa mañarca. Shina mañacpimi, Mandac Diosca chai llaquimanta llucchichun Benjamín aillumanta Gerapac churi imatapish lluquihuan ruhuac Aodta churarca. Paitami israelcunaca Moab llactata jatun mandac Eglonman shuc convidanata cugrichun cacharca.

GÉNESIS 36:24

Zibeonpac churicunaca: Ayía, Anami carca. Cai Aná runami paipac taita Zibeonpac burrocunata michicushpa, shitashca pambapi yacu tucyacucta tarirca.

SALMOS 68:29

Jerusalenpi tiyac cambac huasimantami jatun mandaccunaca imalla caranacunahuan shamunga.

1 REYES 5:1

Tiro pueblota jatun mandac Hiramca Davidhuanca tucui causaipimi, apanacuc carca. Chaimantami Salomonta paipac taita Davidpac randi jatun mandac cachun aceitehuan cahuishcata yachashpaca, paita serviccunata cacharca.