1 REYES 10:13 - Dios Rimashcata Quillcashcami

¹³ Jatun mandac Salomonca tucui imata carashca jahuapish, Sabá llactata jatun mandac huarmi tucui imata mañashcatami curca. Chai quipami chai huarmica paita servic runacunandi paipac llactaman cutirca.

1 REYES 10:13 Referans Kwoze

SAN MATEO 15:28

Shina nicpimi Jesusca: —¡Huarmi, canca tucui shunguhuanmi crishcangui! Chaimanta can munashca shina ruhuarichun— nirca. Shina nincami, chai huarmipac huahuaca alli tucurca.

SALMOS 37:4

Mandac Dios-huan cushicuilla. Paica cambac shungu munashcata cungallami.

SALMOS 20:4

Can munashcacunata cushpa, cambac shungupi yuyarishcacunata pactachichun.

EFESIOS 3:20

Diosca ñucanchicpi imatapish ruhuaclla cashcata ricuchic shinallatacmi, ñucanchic yuyashcatapish, mañashcatapish yalli imatapish ruhuaclla can.

1 REYES 10:2

Chai huarmica paita cuidac achca gentecunata pushamushpami, Jerusalenman shamurca. Paica mishquilla ashnacuc jambicunata, achca curita, alaja rumicunata camellocunapi apachishpami shamurca. Salomonpacman chayamushpaca, paipac shungupi tucui ima yuyashcatami parlarca.

1 REYES 9:1

Salomonca Mandac Diospac huasitapish, pai mandashpa tiyana huasitapish, tucui imata ruhuangapac yuyaricushcatapish tucuimi tucuchirca.

1 REYES 10:12

Chai sándalo caspicunahuanmi jatun mandac Salomonca Mandac Diospac huasipipish, jatun mandacpac huasipipish, balaustres nishcacunata ruhuarca. Cantaccunamanpish arpacunata, salteriocunatami ruhuachirca. Chashna achca sándalo caspicunataca jaicapi mana apamushcachu carcacuna. Cunancaman chashnaca mana ricurishcachu.

1 REYES 10:14

Salomonca huatantami impuestota japishpaca sucta patsac sucta chunga sucta talento curita japirca.

2 CRÓNICAS 9:12

Jatun mandac Salomonca Sabá llactata jatun mandac huarmi tucui imata mañashcatami curca. Chai huarmi imata apamushcamantapish yallitami curca. Chai quipami mandac huarmica paita servic runacunandi paipac llactaman cutirca.