1 REYES 1:48 - Dios Rimashcata Quillcashcami

⁴⁸ Jatun mandacca: “Israelcunata Mandac Diosca alli nishca cachun. Cunanca paimi ñuca mandashpa tiyacushcapi tiyarichun, ñuca causacucpirac ñuca ñahuihuan ricuchun churashca” nircami— nirca.

1 REYES 1:48 Referans Kwoze

1 REYES 3:6

Shina nicpi, Salomonca: —Canca canta servic ñuca taita Davidtaca yallitami llaquircangui. Paica cambac ñaupapica cashcata ruhuashpa alli shunguhuanmi purirca. Chaimantami can yallita llaquishcataca paiman allichishpa charicushcangui. Chashna charishpami, pai mandashpa tiyacucpica, paipac churita churashcangui. Chaica cunan cai punzhami pactamushca.

1 PEDRO 1:3

¡Ñucanchic Apunchic Jesucristopac Diostaca “allimari cangui” nishunchic! Ñucanchic huiñaita causagrina yuyailla cachunmi, paipac sumaimana cuyaimanta Jesucristota causachishpa, ñucanchictaca cutin huacharishca shinata ruhuarca.

EFESIOS 1:3

Cristohuan shuclla tucushcamantami, ñucanchicmanca paipac Espirituta cushpa, jahua pachapi tiyac tucuilaya allicunata Diosca curca. ¡Chaimantami ñucanchic Apunchic Jesucristopac Diostaca alli nicunalla canchic!

DANIEL 4:34

Chai nishca punzhacuna pactacpimi, Nabucodonosor ñucaca jahua pachata huichailla ricurcani. Chashna ricushpami, cutin yuyaita japircani. Chaimantami jahua pachapi huiñaita causac Diostaca: “Huahua huahuacunata jatun mandac, sumaimanami cangui nishpa alli nircani.

PROVERBIOS 17:6

Yuyaccunapac sumac coronaca nietocunami. Shinallatac huahuacunapac cushicunaca taita mamami.

SALMOS 145:2

Punzhantami alli nisha. Cambac shutitaca huiñaitami alabasha.

SALMOS 41:13

¡Israelcunata Mandac Diosca huiñai huiñaita alli nishca cachun! Chashna cachun, chashna cachun.

SALMOS 34:1

Mandac Diostaca punzhanta alli nicushallami. Ñuca shimihuan cantashpaca manatac upallashachu.

NEHEMÍAS 9:5

Levitapuramanta Jesúa, Cadmiel, Bani, Hasabnías, Serebías, Hodías, Sebanías, Petanías rimashpaca: “¡Cancunata Mandac Diostaca, huiñaimanta huiñaicaman, tucui alli nishcacunamanta ashtahuan jahuapi cac, paipac sumaimana jatun shutita, allimari, sumacmari cangui ningapac shayarichic!” nirca.

1 CRÓNICAS 29:20

Chashna nishca quipami tucui chaipi tandanacushcacunataca: «¡Cancunata Mandac Diosta allimari cangui nichicyari!» nirca. Shina nicpimi, tucui tandanacushcacunaca paicunapac ñaupa taitacunata Mandac Diosta alli nircacuna. Chai quipami Mandac Diospac ñaupapi, jatun mandac Davidpac ñaupapipish cungurishpa cumurircacuna.

1 CRÓNICAS 29:10

David tucui tandanacushcapac ñaupapi Mandac Diosta alli nishpaca: «¡Ñucanchic ñaupa taita Israelpac Mandac Dioslla, cantaca huiñaita alli nishca cachun!

1 CRÓNICAS 17:17

Jatun Mandac Dioslla, caita ruhuashca jahuapish, canta servic ñuca huasi familia quipaman ima shina canatapish huillashcanguimi. Mandac Dioslla, ñucataca shuc valic runata shinami ruhuashcangui.

2 SAMUEL 24:3

Ashtahuanpish Joabca jatun mandactaca: —¡Canta Mandac Dios cai gentecunamantaca patsac cutin ashtahuan mirachichun! ¡Chaita ñuca amo jatun mandac ricuchun! Shina cashpapish ñuca amo jatun mandaclla, ¿imamantatac caita ruhuasha ningui?— nirca.

2 SAMUEL 7:12

Can ña unaita causashpa cambac taitacunahuan enterrashca cacpica, cambac huahuacunamantami shucta acllashpa cambac mandanapi churashpa, can mandanataca allichisha.

GÉNESIS 14:20

Canta piñaccunata cambac maquipi churac, jahua pachapi causac Diosca alli nishca cachun» nirca. Chaimantami Abramca tucui quichushcacunamanta chungamanta shucta Melquisedecman curca.

1 SAMUEL 25:32

Shina nicpimi, Davidca Abigailtaca: —¡Cantaca ñucahuan tupachun cachashcamantaca israelcunata Mandac Diosca alli nishca cachun!

1 REYES 1:49

Chashna huillacpimi, Adoniaspac micuiman cayashcacunaca mancharishpa chucchurcacuna. Paicunaca chaimanta jatarishpami, paicunapac ñanta japishpa rircacuna.

1 REYES 2:4

Mandac Dios ñucataca: “Cambac huahuacuna ñuca ñaupapi purishpa, ñuca ñanmanta mana anchurishpa tucui shunguhuan, tucui almahuan alli cazucpica, cambac huahua huahuacunamantaca israelcunata mandaccunaca jaicapi mana illangachu” nircami.

1 REYES 8:20

Mandac Diosca pai cushami nishcataca pactachishcami. Chaimantami ñucaca Mandac Dios ima shina nishca shinallatac ñuca taita Davidpac randi, israelcunata mandangapac tiyarinapi tiyarircani. Shinallatac israelcunata Mandac Diospac shutipi mañana huasitapish shayachircani.