1 REYES 1:27 - Dios Rimashcata Quillcashcami

²⁷ Chashna ruhuachunca, can jatun mandac ñuca amollatac mandashca canataca mana crinchicchu, can jatun mandac ñuca amopac jatun tiyarinapi cambac randi maijan tiyarishpa mandana cashcataca canta serviccunamanca, ¿maitatac mana huillanguiman carcayari?— nirca.

1 REYES 1:27 Referans Kwoze

SAN JUAN 15:15

Servicca amo imata ruhuacushcata mana yachanchu. Chaimantami cancunataca mana serviccuna nishpaca, cayani. Tucui ñuca Taita nishcacunatami cancunaman huillashcani, chaimantami cancunataca ñuca amigocuna nishpa cayani.

2 REYES 4:27

Chai urcupi Diospac runapacman chayashpami, paipac chaquita ucllarirca. Chashna ucllaricpimi, Giezica anchuchingapac japirirca. Chashna japiricpimi, Diospac runaca: —Saquilla, paipac shungupica jatun llaquihuanmi. Diosmi paipac llaquitaca pacashpa, mana huillashca— nirca.

1 REYES 1:24

cumurishpaca: —Ñuca amo jatun mandaclla, ¿canchu: “Ñucapac quipataca Adoniasmi jatun mandac tucunga. Paimi ñuca mandashpa tiyarinapica tiyaringa” nircangui?

1 REYES 1:26

Shina cashpapish canta servic ñucata, Sadoc curata, Joiadapac churi Benaiasta, canta servic Salomontaca mana cayashcachu.

1 REYES 1:28

Shina nicpimi, jatun mandac Davidca: «Betsabeta cayamuichic» nirca. Shina cayacpimi, paica ucuman yaicushpa jatun mandacpac ñaupapi shayarirca.

1 CRÓNICAS 23:1

Davidca achca huatayuc ña yuyac cashpami, paipac churi Salomonta israelcunata mandac cachun churarca.