1 REYES 1:17 - Dios Rimashcata Quillcashcami

¹⁷ Shina tapucpimi Betsabeca: —Ñucata mandaclla, canta Mandac Diospac shutipica: “Cambac huahua Salomonmi ñuca huañushca quipaca mandanga. Paimi ñuca mandashpa tiyarinapica tiyaringa” nircanguimi.

1 REYES 1:17 Referans Kwoze

1 REYES 1:13

Jatun mandac Davidpacman rishpa: “Ñuca amo jatun mandaclla, ¿manachu canta servic ñucataca: ‘Ñucapac quipataca cambac huahua Salomonmi jatun mandac tucunga? Paimi ñuca mandashpa tiyarinapica tiyaringa’ nircangui. Shina cashpaca, ¿ima nishpatac Adonías mandacunyari?” ningui.

1 REYES 1:30

Ñucaca israelcunata Mandac Diospac ñaupapimi: “Ñucapac randica Salomonmi jatun mandac tucunga. Paimi, ñuca mandashpa tiyarinapica tiyaringa” nircani. Chashna nishca shinallatacmi, cunanca pactachigrini— nirca.

1 PEDRO 3:6

Sarapish paipac cusa Abrahamta cazushcamantaca, “ñucata mandac” nicmi carca. Cancunapish tucui imatapish allita ruhuashpa, imata mana manchashpaca, Sara huarmipac huahuacunami tucunguichic.

GÉNESIS 18:12

Chaimantami Saraca paipac shungullapi asishpaca: «Ñucapish, ñuca cusapish ña yuyaccunami canchic. Chashna cashpaca, ¿maitatac ñuca cusahuan chayarina munaitaca charishayari?» nirca.

1 REYES 1:16

Betsabeca mandacpac ñaupapimi pambacaman cumurirca. Chaimantami jatun mandacca: —¿Imatatac ningui?— nishpa tapurca.

1 REYES 1:18

Riqui, cunanca Adoniasmi mandacun. Chaitaca, ñuca amo can jatun mandacca cunancaman manarac yachanguica.

1 REYES 1:14

Jatun mandac-huan can chashna parlacucpimi, ñucapish canta catishpa yaicusha. Chaipimi, can ima shina nicushcataca chashna cashcata huillasha— nirca.