1 REYES 1:16 - Dios Rimashcata Quillcashcami

¹⁶ Betsabeca mandacpac ñaupapimi pambacaman cumurirca. Chaimantami jatun mandacca: —¿Imatatac ningui?— nishpa tapurca.

1 REYES 1:16 Referans Kwoze

1 SAMUEL 25:23

Abigaíl huarmi Davidta ricushpaca, burromanta uricushcahuanmi Davidpac ñaupapi pambacaman cumurirca.

1 SAMUEL 24:8

David jatarishpa, machaimanta llucshishpaca: —¡Jatun mandac ñuca amolla!— nishpa caparirca. Shina caparicpi, Saúl tigrarishpa ricucpica, Davidca allpaman chayactami cumurirca.

1 SAMUEL 20:41

Chai servic huambra rishca quipami, Davidca chai ura ladopi jatarishpa quimsa cutincaman allpaman chayacta paipac ñaupapi cumurirca. Chai quipami ñahui quingraipi muchanacushpa ishcaita huacarca. Ashtahuanpish Davidmi ashtahuan huacarca.

SAN MATEO 20:32

Chaimanta Jesús shayarishpa, paicunata cayashpaca: —¿Imatatac ruhuachun ninguichic?— nirca.

SAN MATEO 20:21

Chashna mañacpimi Jesusca: —¿Imatatac ningui?— nirca. Chashna nicpimi chai huarmica: —Ñuca huahuacunata can mandanapi shuctaca cambac alli maquiman, shuctaca cambac lluqui maquiman tiyachingui— nirca.

ESTER 7:2

Cayandi punzha vinota ubiashpa tiyacushpami, jatun mandacca Estertaca: —Jatun mandac Ester, ¿imatatac mañasha ningui? Can mañacpica, ñuca mandacuc llactamanta chaupitapish cushallami— nirca.

1 REYES 2:20

Chaipi tiyacushpami Betsabeca: —Shuc ashalla mañanatami, canman mañangapac shamuni, ama mana ninguichu— nirca. Shina nicpi, jatun mandacca: —Ñuca mamitalla, imata cashpapish, mañailla cushallami— nirca.

1 REYES 1:23

Pai ña chayamucpica: «Riqui, Dios ima nishcata huillac Natanmi shamushca» nishpami, jatun mandacman huillarcacuna. Pai yaicushpaca, jatun mandacpac ñaupapimi allpacaman,

1 REYES 1:15

Shina nicpimi, Betsabeca jatun mandac Davidpac ucuman yaicurca. Jatun mandacca ña yuyacmi carca. Shina cacpimi, sunamitapuramanta Abisag solteraca servishpa causacurca.

1 REYES 1:17

Shina tapucpimi Betsabeca: —Ñucata mandaclla, canta Mandac Diospac shutipica: “Cambac huahua Salomonmi ñuca huañushca quipaca mandanga. Paimi ñuca mandashpa tiyarinapica tiyaringa” nircanguimi.