1 REYES 1:13 - Dios Rimashcata Quillcashcami

¹³ Jatun mandac Davidpacman rishpa: “Ñuca amo jatun mandaclla, ¿manachu canta servic ñucataca: ‘Ñucapac quipataca cambac huahua Salomonmi jatun mandac tucunga? Paimi ñuca mandashpa tiyarinapica tiyaringa’ nircangui. Shina cashpaca, ¿ima nishpatac Adonías mandacunyari?” ningui.

1 REYES 1:13 Referans Kwoze

1 REYES 1:30

Ñucaca israelcunata Mandac Diospac ñaupapimi: “Ñucapac randica Salomonmi jatun mandac tucunga. Paimi, ñuca mandashpa tiyarinapica tiyaringa” nircani. Chashna nishca shinallatacmi, cunanca pactachigrini— nirca.

1 REYES 1:17

Shina tapucpimi Betsabeca: —Ñucata mandaclla, canta Mandac Diospac shutipica: “Cambac huahua Salomonmi ñuca huañushca quipaca mandanga. Paimi ñuca mandashpa tiyarinapica tiyaringa” nircanguimi.

JEREMÍAS 33:21

ñucata servic Davidhuan ari nishcapish yangami canga. Pai mandashpa tiyarinapi mandashpa tiyarichunca huahuata mana cushachu. Shinallatac curacunahuan, levitacunahuan ñucata servichun ari nishcapish yangami canga.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

1 CRÓNICAS 29:23

Chashnami Salomonca paipac taita Davidpac randi Mandac Diospac mandashpa tiyarinapi tiyarirca. Paica tucuipimi alli llucshirca, israelcunapish tucuimi cazurcacuna.

1 REYES 2:12

Salomonmi paipac taita David mandashpa tiyarinapica tiyarirca. Pai mandanaca ashtahuanmi sinchiyashca carca.

1 REYES 1:48

Jatun mandacca: “Israelcunata Mandac Diosca alli nishca cachun. Cunanca paimi ñuca mandashpa tiyacushcapi tiyarichun, ñuca causacucpirac ñuca ñahuihuan ricuchun churashca” nircami— nirca.

1 REYES 1:24

cumurishpaca: —Ñuca amo jatun mandaclla, ¿canchu: “Ñucapac quipataca Adoniasmi jatun mandac tucunga. Paimi ñuca mandashpa tiyarinapica tiyaringa” nircangui?

1 REYES 1:11

Shina cacpimi, Natanca Salomonpac mama Betsabetaca: —Ñucanchic amo David mana yachacpi, Haguit huarmipac cari huahua Adonías mandacuctaca, ¿manachu yachangui?

1 REYES 1:35

Chai quipaca, paita cuidashpa paipac huashata shamunguichic. Pai shamushpami, ñuca mandashpa tiyarinapi tiyarishpa, ñucapac randi mandanga. Paitami Israel llactata shinallatac Judá llactata mandac cachun acllarcani— nirca.

DEUTERONOMIO 17:18

Jatun mandac mandai callarishpaca, levita cura cuidacuc quillcashca libromantami copiata llucchina can.

1 REYES 1:14

Jatun mandac-huan can chashna parlacucpimi, ñucapish canta catishpa yaicusha. Chaipimi, can ima shina nicushcataca chashna cashcata huillasha— nirca.

1 CRÓNICAS 28:5

Mandac Diosca achca churicunatami ñucamanca cushca. Tucui cai ñuca churicunamantami ñuca churi Salomonta Mandac Diosca mandashpa tiyarinapi tiyarishpa, israelcunata mandachun churarca.