1 PEDRO 5:5 - Dios Rimashcata Quillcashcami

⁵ Chai shinallatac quipa huiñaicunapish, pushaccuna ima nishcata cazuichic. Mana jatun tucushpami tucuillatac caishuc chaishuc-huan cazunacuna canguichic. Diosca: «Jatun tucushcacunataca piñanimi. Mana jatun tucushcacunataca cuyanimi» ninmi.

Nuevo Testamento en Quichua Cañar 1996

⁵ Chai shinallatac q'uipa huiñaicunapish, pushaccuna ima nishcata cazuichic. Tucuimi mana jatun tucushpa, caishuc chaishuchuan cazunacuna canguichic. Pai quillcachishcapica Taita Diosca: “Jatun tucushcacunataca p'iñanimi. Cutin mana jatun tucushcacunataca c'uyanimi” ninmi.

1 PEDRO 5:5 Referans Kwoze

SANTIAGO 4:6

Ashtahuanpish Dios mai cuyac cashcamantami ñucanchictaca ayudacun. Dios quillcachishcapica: «Jatun tucushcacunataca piñanimi. Mana jatun tucushcacunataca cuyanimi» ninmi.

PROVERBIOS 3:34

Burlashpa asiccunataca Mandac Diospish burlashpa asingami. Ashtahuanpish yangallacunataca cuyangami.

EFESIOS 5:21

Diosta manchashcamanta caishuc chaishuc cazunacuichic.

ROMANOS 12:10

Huauquindipura shina caishuc chaishuc-huan cuyanacuichic. Shuccunahuan sumacta causaichic.

FILIPENSES 2:3

Shuccunata llaquichingaraiculla ama yachac tucuichicchu, ashtahuanpish quiquinca mana yachac cashca shinalla, shuccunata ashtahuan allipi churaichic.

COLOSENSES 3:12

Diosca cancunata cuyashpami, paipaclla cachun acllarca. Chaimantami mushuc churanata churaric shina, shungumanta llaquishpa, cuyashpa, mana jatun tucushpa, mana piñarishpa, shinallatac cuyac shunguhuan causana canguichic.

ISAÍAS 66:2

Tucui caicunataca ñucami ruhuarcani. Chaimantami tucui caicunaca tiyan. Ñucaca shungupi llaquirishpa, ñuca mandashcata manchashpa, causac huaccha gentecunatami alli nishami.

ROMANOS 13:14

Chaipac randica, Apunchic Jesusta churanata churaric shina, paihuan millaita mishaichic. Ashtahuanpish ama cai pacha jucha munashcata ruhuaichicchu.

1 PEDRO 4:5

Shina cacpipish paicunaca huañushcacunatapish, causaccunatapish taripangapac shuyacuc Diospac ñaupapimi, paicuna ima shina cashcata huillangacuna.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

HEBREOS 13:17

Cancunata pushaccunata cazuichic. Diosca paicunatami cancunamanta tapunga. Chaimantami paicunaca mana samarishpa cancunataca ricuracun. Paicuna mana llaquirishpa, cushilla servichunca, paicunahuan alli caichic. Chaimi paicunamanca alli canga.

LEVÍTICO 19:32

Yurac uma taitapac ñaupapi paita alli nishpa shayaringuichic. Ñucami Mandac Dios cani.

1 PEDRO 4:1

Shina cashcamantaca, Cristo ima shinami ñucanchic juchacunamanta paipac cuerpopi llaquita aparca, chai shinallatac cancunapish llaquita apanalla caichic. Maijanpish cuerpopi llaquita apacca, jucha mandashca causanatami saquin.

SALMOS 132:9

Cambac curacunaca cashcata ruhuanata churarishca shina cachun. Cambaclla caccunaca yallita cushicuchun.

JOB 29:14

Ñucaca churanata churaric shinami cashcata ruhuashpa causarcani. Chaimi ñucataca pilluchirca. Ñucapac jahualla churana shinaca, allita ruhuanami carca.

JOB 22:29

Jatun tucushcacunaca, pingaichishcami canga. Yangalla caccunataca Diosmi jatunyachinga.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

2 CRÓNICAS 6:41

Mandac Dioslla, cunanca canpish, chai Arcapish can samarina pushtupi causangapac shamuichic. Mandac Dioslla, cambacta ruhuac curacunapish quishpirishcata ricuchic churanata churarishca cachuncuna. Canhuan causaccunaca allicunahuan cushicushpa causachun.

SALMOS 132:16

Shinallatac curacunamanca quishpirishca churanatami churachisha. Diospaclla causaccunaca cushicushpami caparingacuna.

SALMOS 138:6

Mandac Diosca jatun cashpapish, yangalla runacuna mañashcataca uyaracunmi. Ashtahuanpish jatun tucushcacunataca carumantami ricucun.

EZEQUIEL 26:16

Jatun llaquita uyashpaca, mama cucha patapi causac jatun mandaccunapish mandashpa tiyanamanta anchurishpami, jahualla churanatapish, bordashca churanatapish llucchinga. Chaimantaca duelo churanata churarishpami, allpa jahuapi tiyarishpa chucchucunga. Chashnami can llaqui tucushcamantaca tucunga.

SAN LUCAS 22:26

Cancunaca ama chashna canguichicchu. Ashtahuanpish cancunapurapi maijan alli nishca casha nishpaca, quipa huiñaicuna shina cachun. Mandac cashpapish, servic runa shina cachun.

1 TIMOTEO 5:1

Ñaupa huiñai taitacunata rimashpaca, ama sinchita rimanguichu, ashtahuanpish quiquin taitata shina cunangui. Quipa huiñaicunataca, quiquin huauquita shina rimangui.

1 PEDRO 3:8

Ashtahuanpish cancunaca caishuc chaishuc-huan cuyanacushpa, llaquinacushpa, shuc shinalla yuyashpa, pihuanpish alli causaichic.

PROVERBIOS 25:7

Mandacpac ñaupapi pingaihuan cumurinapac randica: «Caiman huichicui» ningacaman shuyanami ashtahuan alli.

DANIEL 11:12

Chashna achca soldadocunata atishpami, ura llactata jatun mandacca shungupi jatun tucushpa, huaranga huaranga soldadocunata huañuchinga. Chashna cashpapish asha huatacunatami chashna canga.