1 PEDRO 5:4 - Dios Rimashcata Quillcashcami

⁴ Chashna cashpami michiccunata Jatun Michic shamucpica, jaicapi mana chingaric, sumaimana coronata cancunaca japinguichic.

Nuevo Testamento en Quichua Cañar 1996

⁴ Chashna cashpami michiccunata Jatun Michic shamucpica, jaicapi mana chingaric, sumaimana coronata cancunaca japinguichic.

1 PEDRO 5:4 Referans Kwoze

SANTIAGO 1:12

Imapish millai munaicuna shamucpi, chaita mishacca mai cushillami can. Chashna mishacmi Dios paita cuyaccunaman cusha nishca causaita cuc coronata japinga.

1 CORINTIOS 9:25

Callpangapac allichiriccunaca chingariclla coronata japingapacmi allichirincuna. Ñucanchiccarin mana chingaric coronata japingapacmi, chashna allichiricunchic.

1 JUAN 3:2

Cuyashca huauquicuna, ñucanchicca ña Diospac huahuacunami canchic. Shamuc punzhapi ima shinami ñucanchic cana cashcataca manarac yachanchicchu. Shina cashpapish Jesucristo ricuricpica, pai shina cana cashcatami yachanchic. Paitaca pai ima shina cashcatami ricushun.

2 TIMOTEO 4:8

Cunan punzhamanta pachami cashcata ricuchic, ñucaman cuna cashca coronata Diosca charicun. Chaitaca cashcata ruhuashpa taripac Apunchic Jesucristomi, taripana punzhapi, mana ñucallaman ashtahuanpish tucui pai cutimuna punzhata cuyaihuan shuyaccunaman cunga.

1 PEDRO 1:4

Chaimantami ñucanchicca jahua pachapi Dios huacaichishca, mana ismuclla, mana chaquiclla, mana mapayaclla allicunata japinata charinchic.

APOCALIPSIS 3:11

Canman ñuca cusha nishcata ama pi quichuchun, ñucata catirangui. Ñucaca ñallami shamusha.

APOCALIPSIS 2:10

Cantaca llaquicuna japigricunmi. Shina cacpipish ama manchanguichu. Crishpa catincunatachu imami nishpami, maijan cancunataca diablo carcelpi churanga. Chaipica chunga punzhatami llaquita apanguichic. Shina cacpipish huañungacaman ñucata caticpica huiñai causaita ricuchic coronatami cusha.

1 PEDRO 2:25

Cancunaca chingarishca ovejacuna shinami ñaupaca puricurcanguichic. Shina cashpapish cunanca cancunata cuidashpa Michic Cristopacmanmi tigrarishcanguichic.

DANIEL 12:3

Alli yachaccunaca jahua pachamanta achicyachic shinami achicyachinga. Shinallatac cashcata ruhuanata taucacunaman yachachiccunaca lucero shinami, huiñaita achicyachinga.

ISAÍAS 40:11

Shuc michic shinami, paipac ovejacunataca michinga. Huahua ovejacunataca rigra jahuapimi apanga. Cunanlla huachashca ovejacunataca alli cuidashpami huiñachinga.

1 PEDRO 5:2

Dios cancunaman mingashca criccunataca ovejacunata michic shina, quiquin munaihuan alli ricuraichic. Pi ruhuai nishcallamanta, cullquita japingaraicullapish ama ruhuaichicchu, ashtahuanpish Dios munashca shina, mana quillanayachishpa chaparaichic.

HEBREOS 13:20

Cushi causaita cuc Diosmi, ñucanchic Apunchic Jesustaca huañushcacunapuramanta causachirca. Paimi yahuarta jichashpa, Dios-huan huiñaipac ari nishcata pactachishpa, ñucanchic Jatun Michic tucurca.

EZEQUIEL 37:24

Ñucata servic Davidmi paicunapac jatun mandac canga. Shuclla michicmi tiyanga. Paicunaca ñuca yachachishcacunatapish, mandashcacunatapish, rimashcacunatapish pactachishpami causanga.

SALMOS 23:1

Mandac Diosmi ñucata michic, ñucapacca ima mana illangachu.

ZACARÍAS 13:7

Tucuita Mandac Diosca: «¡Espadalla, michictapish, ñuca ricsiccunatapish llaquichingapac jatariyari! Chai michicta can chugrichicpi, ovejacuna caita chaita ricpica, ñucami huahua ovejacunata llaquichisha.

APOCALIPSIS 1:7

¡Uyaichic, Cristoca puyupimi shamucun! Paitaca tucuimi ricunga. Paita chacatashpa huañuchiccunapish ricungami. Tucui cai pachapi causac gentecunapish ricushpaca, shungupi huactarishpami paimanta huacangacuna. ¡Chaica chashnatacmi canga! Chashna cachun.

SAN JUAN 10:11

Ñucami alli michicca cani. Alli michicca, ovejacunamanta huañuna cacpipish huañungalla.

EZEQUIEL 34:23

Paicunata michichunca, ñucata servic Davidtami churasha. Paillami michinga.