1 PEDRO 5:14 - Dios Rimashcata Quillcashcami

¹⁴ Caishuc chaishuc cuyaihuan muchashpa, “allilla cashca cachun” ninacuichic. Apunchic Jesus-huan shuc shinalla tucushcacunaca, tucui mashna sumac causaita charishca canguichicman.

Nuevo Testamento en Quichua Cañar 1996

¹⁴ Caishuc chaishuc chuya shunguhuan muchashpa, “allilla cashca cachun” ninacuichic. Apunchic Jesushuan shuc shinalla tucushcacunaca, tucui mashna sumac causaita charishca canguichicman.

1 PEDRO 5:14 Referans Kwoze

ROMANOS 16:16

Chuya shunguhuan muchashpa, caishuc chaishuc saludanacuichic. Cristota cric tucui tandanacushca criccunapish saludachun nishpami cachan.

EFESIOS 6:23

Diospish, Apunchic Jesucristopish tucui criccunaman sumac causaita, cuyac canata, alli cric canata cushca cachun.

ROMANOS 8:1

Cunanca Jesucristohuan shuc shinalla caccunamanca, ña mana jatun llaquica tiyangachu.

1 CORINTIOS 16:20

Tucui criccunami saludancuna. Chuya shunguhuan muchashpa, caishuc chaishuc saludanacuichic.

ROMANOS 1:7

Roma llacta criccuna, cancunataca Diosmi cuyashpa, paipaclla cachun acllarca. Ñucanchic Diospish, Apunchic Jesucristopish yallita cuyachun, cushi causaita cachun ninimi.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

SAN JUAN 20:26

Pusac punzha quipami, cutin yachacuccunaca chai ucullapitac tandanacushca carcacuna. Shinallatac Tomaspish chaipimi carca. Huasi pungucuna huichcashca cacpimi, Jesusca cutin paicunapacman chayashpa chaupipi shayarishpaca: —Cushicuichic, ama manchaichicchu— nirca.

SAN JUAN 20:19

Semana callari chai domingo punzhapitacmi ña tutayamugricucpi, yachacuccunaca mandac israelcunata manchashcamanta pungucunata huichcarishpa, tucui tandarishpa tiyacurcacuna. Chashna cacpimi, Jesús paicunapacman chayashpa, chaupipi shayarishpaca: —Cushicuichic, ama manchaichicchu— nirca.

SAN JUAN 16:33

Tucui caicunataca ñucahuan yallita cushicuita charichunmi nini. Cai pachapica llaquita apanguichicmi. Shina cacpipish, cai pacha mana allicunata ñuca atishcamanta ñucata crichic— nirca.

SAN JUAN 14:27

Sumac cushicui causaitami cuni, sumac cushicui causaitami saquini. Ñucaca mana gentecuna cushca cushi causaitachu cuni. Chaimanta ama llaquirichicchu, ama manchaichicchu.

1 TESALONICENSES 5:26

Tucui criccuna muchashpa caishuc chaishuc saludanacuichic.

2 CORINTIOS 13:12

Chuya shunguhuan muchashpa, caishuc chaishuc-huan saludanacuichic.

1 PEDRO 1:2

Cancunataca Diosmi ña ñaupamanta pacha pai munashca shina paipaclla cachun acllashca. Diosca paita cuyashpa causachun, shinallatac Jesucristopac yahuarhuan chuyayachishca cachunmi, cancunataca paipac Espiritumanta paipacllatac ruhuashca. Dios mai cuyashpa, cancunaman sumac causaita yallita cushca cachun ninimi.

SAN MATEO 5:47

Shinallatac cancunapuralla alabadunacushpaca, ima allita mana ruhuanguichicchu. Diosta mana ricsiccunapish chashnaca ruhuancunami.

3 JUAN 1:14

Ashtahuanpish canhuan ñahui ñahui cangapacmi, utca shamusha nicuni. Chaipimi ashtahuan parlanacushun.