1 PEDRO 5:1 - Dios Rimashcata Quillcashcami

¹ Cunanca cancunapurapi cac tandanacushca criccunata pushaccunatami, ñucapish paicuna shinallatac pushac cashcamanta cunashpa rimasha nini. Ñucaca Cristo ima shina llaquita apashcata ricushpa, huillacmi cani. Shuc punzha Cristo sumaimana ricuricpica, ñucapish chaipimi paihuan pacta casha.

Nuevo Testamento en Quichua Cañar 1996

¹ Cunanca cancunapuramanta tandanacushca criccunata pushaccunatami cunashpa rimasha nini. Ñucapish paicuna shinallatac pushacmi cani. Shinallatac Cristo ima shina llaquita apashcatapish ricushpa, huillacmi cani. Shuc punzha Cristo sumaimana ricuricpica, ñucapish chaipimi paihuan pacta casha.

1 PEDRO 5:1 Referans Kwoze

SAN LUCAS 24:48

Cai tucui imalla tucushcata ricuccunami canguichic.

APOCALIPSIS 1:9

Ñucaca Jesucristomanta cancunapac huauqui Juanmi cani. Ñucaca Jesucristohuan shuclla cashpami, cancunahuan pacta Dios mandacucpi cashpa, cuyac shunguhuan ima llaquitapish apana yuyailla cani. Dios, Jesusman huillachishcata ñuca huillashcamantami, yacu chaupipi cac Patmos llactapi prezu carcani.

2 JUAN 1:1

Ñucaca criccunata pushac cashpami, Dios acllashca tandanacushca criccunamanpish, mashnalla chaipi caccunamanpish tucui ñuca cuyaihuan caita quillcani. Mana ñucallachu cuyani, ashtahuanpish tucui mashnalla cashcata nic huillashcata uyashpa criccunami cuyancuna.

1 PEDRO 5:4

Chashna cashpami michiccunata Jatun Michic shamucpica, jaicapi mana chingaric, sumaimana coronata cancunaca japinguichic.

1 JUAN 3:2

Cuyashca huauquicuna, ñucanchicca ña Diospac huahuacunami canchic. Shamuc punzhapi ima shinami ñucanchic cana cashcataca manarac yachanchicchu. Shina cashpapish Jesucristo ricuricpica, pai shina cana cashcatami yachanchic. Paitaca pai ima shina cashcatami ricushun.

1 PEDRO 1:7

Curi alli cactaca ninapi rupachishpami ricun. Chai shinallatac cancuna alli crishcata ricungapacca, llaquicunaca japinami can. Shina llaquita apana cacpipish, mana chingaric crishcaca chingariclla curitapish ashtahuan yallimi can. Chai shina llaquichishca cashpapish crinata mana saquishpaca, Jesucristo ricuricpica, sumacyachishca, “allimi cangui” nishcami canguichic.

HECHOS 14:23

Tandanacushca criccunapurapica, ayunashpa Diosta mañashpami, pushac yuyaccunata acllashpa saquirca. Chashnami paicuna crishca Apunchic Jesusman mingarca.

HECHOS 11:30

Paicuna chashna ruhuashpaca, Judea llacta criccunata pushaccunaman cuchunmi, Bernabeta, Saulota cacharca.

1 PEDRO 1:12

Paicuna chashna yachashun nicucpipish, Diosca pai huillachishcaca mana paicunaman cashcata, ashtahuanpish cancunapac allipac cashcatami yachachirca. Chaitatacmi jahua pachamanta shamushca, imatapish ruhuaclla Diospac Espíritu yuyaita cucpi, alli huillaita huillaccunallatac cancunaman huillarca. Cai huillashcacunataca jahua pacha angelcunapish yachanata munancunami.

FILEMÓN 1:9

Chashna cashpapish ñucanchic cuyanacushcamantami, canmanca cuyaihuan mañani. Ñucaca ña yuyacmi cani. Cunancarin Jesucristomanta prezu japishcami tiyacuni.

TITO 1:5

Creta llactapi canta saquishpaca, ñuca nishca shinallatac chai allichina cashcatapish allichichun, tandanacushca criccuna tiyac pueblocunapica criccunata pushaccunata acllashpa churachunmi saquimurcani.

2 TIMOTEO 4:8

Cunan punzhamanta pachami cashcata ricuchic, ñucaman cuna cashca coronata Diosca charicun. Chaitaca cashcata ruhuashpa taripac Apunchic Jesucristomi, taripana punzhapi, mana ñucallaman ashtahuanpish tucui pai cutimuna punzhata cuyaihuan shuyaccunaman cunga.

1 TIMOTEO 5:19

Tandanacushca criccunata pushactaca ama imata juchanchinguichu, ashtahuanpish ishcai, quimsa huillaccuna tiyacpica juchanchingui.

1 TIMOTEO 5:1

Ñaupa huiñai taitacunata rimashpaca, ama sinchita rimanguichu, ashtahuanpish quiquin taitata shina cunangui. Quipa huiñaicunataca, quiquin huauquita shina rimangui.

FILIPENSES 1:19

Cancuna ñucamanta Diosta mañacushcamantapish, Jesucristopac Espíritu ñucata ayudashcamantapish, caimanta llucshina cashcata alli yachashpami, cashnaca cushicuni.

2 CORINTIOS 5:1

Ñucanchicca chingariclla cai pachapi tiyac huasi shinami canchic. Ñucanchic cuerpo chai huasi urmac shina huañucpica, mana gentecunapac ruhuashca huasitami jahua pachapi, Dios allichishcata charinchic.

HECHOS 21:18

Chai cayandi punzhaca Pabloca ñucanchic-huanmi Jacobota ricungapac rirca. Chai huasipica pushac yuyaccunami tandanacushca cashca carca.

HECHOS 20:28

Apunchic Jesusca paipac yahuarhuanmi, tandanacushca criccunataca randirca. Chaimanta cancunallatac alli yuyaihuan, tucui criccunata cuidanguichic. Diospac Espirituca cancunataca paicunata cuidashpa michic cachunmi churarca.

HECHOS 20:17

Pabloca Mileto pueblopi cashpami, Efeso pueblo tandanacushca criccunata pushac yuyaccunata cayac cacharca.

HECHOS 15:6

Chaimantami apostolcunapish, pushac yuyaccunapish allita yuyarinacungapac tandanacurca.

HECHOS 15:4

Paicuna Jerusalenman chayacpica, apostolcuna, criccunata pushac yuyaccuna shinallatac tucui criccunami chasquirca. Pablopish, Bernabepish Dios paicunahuan ima shina cashcatami parlarca.

HECHOS 2:32

Diosca pai cachashca Jesusllatatacmi causachirca. Ñucanchicca chai ricushcata huillaccunami canchic.

HECHOS 1:22

Paicunaca Juan bautizacui punzhamanta pacha, Jesús jahua pachaman ringacamanmi ñucanchic-huan puric carca. Paimanta shucta Jesús causarishcata ñucanchic-huan huillachun acllashunchic» nirca.

HECHOS 1:8

Diospac Espíritu cancunapacman shamucpimi, poderta chasquinguichic. Chaimantami Jerusalén pueblopipish, tucui Judea llactapipish, Samaria llactapipish, tucui llactacunapipish ñucamanta huillanguichic— nirca.

2 CORINTIOS 5:8

Paillapi shunguta churashca cashpami cai cuerpomanta anchurishpa Apunchic Jesus-huan causagrinata munanchic.

HECHOS 3:15

Chashnami cancunaca huiñai causaita cuc Jesusta huañuchircanguichic. Ashtahuanpish paitaca Diosmi huañushcacunapuramanta causachirca. Ñucanchicca chai ricushcata huillaccunami canchic.

HEBREOS 12:1

Chaimanta ñucanchic muyundipi crinamanta huillaccuna puyu shina tiyashcamantaca, ima jarcaccunatapish, pandachic juchacunatapish saquishpa, ñucanchic chayana cashcaman cushicushpa rishunchiclla.

1 PEDRO 4:13

Chaipac randica, Cristo llaquita apashca shina llaquita apacushcamantaca cushicuichiclla. Chashna cashpami, Cristo sumaimana cashcahuan cutimucpica cushicunguichic.

3 JUAN 1:1

Criccunata pushac ñucami, tucui shunguhuan cuyashca Gayoman cai quillcata quillcani.