1 PEDRO 4:6 - Dios Rimashcata Quillcashcami

⁶ Chaimantami huañushca gentecunamanpish, causaipi paicuna ima ruhuashcata Dios taripacpi, paicunapac espiritupi Dios munashca shina causachun, alli huillaita huillagrirca.

Nuevo Testamento en Quichua Cañar 1996

⁶ Chaimantami huañushca gentecunamanpish, paicunapac espiritupi Dios munashca shina causachun, alli huillaita huillagrirca. Paicunaca Taita Dios munashcamantami, tucui gentecuna huañuna cashca shina huañurcacuna.

1 PEDRO 4:6 Referans Kwoze

ROMANOS 8:2

Chaica, Jesucristohuan shuc shinalla tucucpimi, Diospac Espirituca jucha mandashpa charinamantapish, huañuimantapish cacharichirca.

1 PEDRO 3:19

Paica chashna cashpami, huichcashca cac almacunaman huillangapac rirca.

GÁLATAS 5:25

Diospac Espiritumanta causacushpaca, Diospac Espiritullatac yuyaita cushpa pushachun saquishunchic.

SAN MATEO 24:9

Chai punzhapica cancunata prezushpa mandaccunapacman apangami. Chashnami huañuchinga. Ñucata caticushcamantaca, tucui llactacunapimi piñanga.

GÁLATAS 2:19

Mandashcacunata ruhuangapacca huañushca shinami cani. Shina cashpapish mandashcallatacmi Diospaclla causachun mandarca.

APOCALIPSIS 14:18

Cutin ninata cuidachun churashca ángel altarmanta llucshishpami jinu hosista charicucta sinchita rimashpaca: «¡Cambac jinu hosista llucchishpa, cai pachapi tiyac uvasta piti. Uvasca ñami pucushca!» nirca.

1 PEDRO 1:12

Paicuna chashna yachashun nicucpipish, Diosca pai huillachishcaca mana paicunaman cashcata, ashtahuanpish cancunapac allipac cashcatami yachachirca. Chaitatacmi jahua pachamanta shamushca, imatapish ruhuaclla Diospac Espíritu yuyaita cucpi, alli huillaita huillaccunallatac cancunaman huillarca. Cai huillashcacunataca jahua pacha angelcunapish yachanata munancunami.

1 PEDRO 3:18

Cristoca ñucanchic juchacunamantami, ñucanchicta Diospacman pushangapac, manapish juchayuc cashpa, millaicunamanta llaquita apashpa shuc cutinlla huañurca. Paica aichallapimi huañurca. Shina cashpapish Dios causachicpimi, espiritupica huiñaita causacun.